El tynyshtyǵy elordadan bastalady

Rasynda, elimizde halyqaralyq dárejedegi úlken sharalardyń aldynda qylmystyq ahýal jaqsaryp sala berdi. Árıne, eldegi qylmyspen kúres, qoǵamdyq tártipti jaqsartý sharalary buryn da óz deńgeıinde júrgizilip kele jatqany aıan. Biraq  máselen, EKSPO-2017 halyqaralyq mamandandyrylǵan kórmesin ótkizý kezinde Astanadaǵy quqyqtyq tártipti qamtamasyz etý barysynda qabyldanyp jatqan sharalar tek elordada ǵana emes, tutas elimizdiń qylmystyq ahýalynyń  jaqsarýyna serpin berdi. Sondyqtan da, «Qylmys jasaý 16 paıyzǵa azaıdy. Olardy ashý kórsetkishi 60-tan 70,2 paıyzǵa kóterildi. 26 myń adamǵa raqymshylyq jasalyp, 1 200 adam bas bostandyǵynan aıyrý oryndarynan bosatyldy», dedi Qazaqstan Prezıdenti. Mine, bul qu­qyq qorǵaý organdarynyń atqar­ǵan jumystarynyń zor ekendigin bildiredi.
Elbasy EKSPO-2017 halyq­ara­lyq mamandandyrylǵan kórmesiniń ashylýynda tıisti qaýipsizdikti qam­ta­masyz etkeni úshin quqyq qor­ǵaý organdarynyń barlyq qyz­met­kerine rızashylyq bildirdi. «Kóp­tegen memleketter basshylary men qonaqtar qatysqan EKSPO-2017 kór­mesiniń ashylýynda qaýipsizdikti qamtamasyz etken elimizdiń búkil polısııa qyzmetine, Ulttyq qaýipsizdik komıtetine, «Syrbar» syrtqy barlaý qyzmetine jáne basqa da organdarǵa alǵys aıtamyn. Biz kórmeniń ashylýyn uıymshyldyqpen ótkizdik», dedi Memleket basshysy. Nursultan Nazarbaev mundaı is-sharalardy ótkizý kezinde qaýipsizdikti qamtamasyz etýdiń aıryqsha kúrdeli másele ekenine toqtalyp, barlyq quqyq qorǵaý organdarynyń jumysyn joǵary baǵalady. Dál qazirgi ýaqytta elimizde mundaı álemdik deńgeıdegi mańyzdy máselelerdi kótergen, adamzattyń bolashaǵyn aldyn  ala oılaǵan iri sharalardyń bireýi emes,  birnesheýi ótip jatqany jáne óte be­retini belgili.  Onda jahandyq ma­ńy­zy zor prob­lemalar sheshimin taýyp ja­tyr. Sondyqtan da, mundaı iri sharalardy Astanada ótkizýdiń ózindik orny men máni bar. О́ıtkeni, jahandyq jaıdy jaqsartar jaqsylyqtyń negizi Astanadan bastaý alyp jatqanyn álem bilip otyr. Onyń bári halqymyzdyń birligi, ekonomıkamyzdyń jetistigi, adamdardyń ál-aýqatynyń artýy, qo­ǵamdyq tynyshtyq pen beıbit tur­mys­tyń arqasynda iske asyp jatyr.
Al elimizdiń tynyshtyǵyn, adam­dardyń beıbit turmysynyń buzyl­maýyn, qoǵamdyq qaýipsizdikti saq­taý tek quqyq qorǵaý organdary qyz­met­ker­leriniń ǵana jumysy emes. Ol bar­sha qazaqstandyqtardyń mindeti ekeni sózsiz. EKSPO-2017 sekildi halyqaralyq kórmeniń qaýip­sizdigin quqyq qorǵaý organdary joǵary deńgeıde qamtamasyz etip jatqanda, mundaı qurmetti mindetke elimizdiń ózge salalary da bir kisideı atsalysýy kerek dep oılaımyz. Olar da óz qyzmetterin osyndaı joǵary deń­geıde oryndap, iste adal eken­dik­terin kórsete bilýleri kerek. 
Memleket basshysy quqyq qor­ǵaý organdarynyń jumysyna tekke rızashylyq bildirgen joq. Mem­lekettik qyzmetterdiń  bári  ju­dyryqtaı jumylyp, birlese qı­myl­daǵanda ǵana ortaq mindetti baǵyndyrý ońaıǵa túsetini sózsiz. Bul oraıda, «Syrbar» syrtqy barlaý men ishki ister organdary sekildi aldaryna qoıylǵan tapsyrmalardy naqty oryndap jatqandar bar. Olardyń óz mindetterin oryndaýdaǵy erekshe isterinen ózge de memlekettik qyzmetter qalyspasa, Elbasymyz eli­mizdiń aldyna qoıǵan syndarly tapsyrmalardy, jahandyq problemalardy sheshýde, adam men adamzattyń múddesine arnalǵan is-áreketterdi atqarýda bıik deńgeıden kórine beretini anyq. Endeshe, jahandy jaqsartar jaqsy isterge bastamashy bolǵan Astanamyzdyń asqaqtaı berýine bir kisideı atsalysa bereıik, aǵaıyn! 

Aleksandr TASBOLATOV,
«Egemen Qazaqstan»