Búgingi tańda Áleýmettik medısınalyq saqtandyrý qory Qazaqstan Respýblıkasy Densaýlyq saqtaý mınıstrliginiń «Respýblıkalyq elektrondyq densaýlyq saqtaý ortalyǵy» ShJQ RMK ázirlegen, jarnalardy/aýdarymdardy jınaqtaý, saqtandyrý mártebesin aıqyndaý algorıtmin berýmen saqtandyrylǵan jeke tulǵalardy derbestendirilgen esepke alý úshin arnalǵan elektrondy tirkelimdegi aýdarymdardyń/jarnalardyń esebin júrgizedi.
Qazaqstan Respýblıkasy Densaýlyq saqtaý mınıstrliginiń aqparattyq júıelerindegi saqtandyrý mártebesi avtomattandyrylǵan rejimde kórsetilgen qyzmetter úshin shyǵyndardy óteýdiń tıisti kózin aıqyndaý múmkindigin beredi.
Oǵan qosa, Qazaqstan Respýblıkasy Densaýlyq saqtaý mınıstrligi 2016 jyldan bastap Qazaqstan Respýblıkasynyń 2013-2020 jyldarǵa arnalǵan elektrondy densaýlyq saqtaý tujyrymdamasyn iske asyrý sheńberinde Densaýlyq saqtaý salasyndaǵy aqparattyq júıelerdi aqparattandyrý jáne olardyń ınteroperabeldiligin qamtamasyz etý platformasyn (budan ári – Platforma) iske asyrý boıynsha jumystardy júrgize bastady. Platformanyń negizgi qaǵıdattarynyń biri «pasıentke baǵdarlaný» bolyp tabylady, ony júzege asyrý úshin pasıentke medısınalyq kómek kórsetý kezinde Qazaqstan Respýblıkasy azamatynyń Elektrondy densaýlyq pasporty júrgizilýi jáne qoljetimdi bolýy tıis.
Elektrondy densaýlyq pasportynan pasıentti medısınalyq uıymdarda tekserýden ótkizý jáne emdeý nátıjeleri týraly elektrondy derekterdi, sondaı-aq, jeke tulǵany medısınalyq saqtandyrý týraly derekterdi alýǵa bolady. Paıdalanýshylardyń Elektrondy densaýlyq pasportynda saqtalatyn derekterge qoljetimdiligi pasıenttiń jeke kabıneti arqyly uıymdastyrylady.
Sonymen qatar, pasıenttiń jeke kabıneti paıdalanýshyǵa onyń derbes derekterine, onyń ishinde medısınalyq derekterine qoljetimdilik beredi, qabyldaýǵa jazylý, dárigerdi úıge shaqyrý jáne basqalary sııaqty elektrondy densaýlyq saqtaý salasynyń qyzmetterine qoljetimdilik alý múmkindigimen qamtamasyz etedi. Pasıenttiń jeke kabınetine pasıenttiń densaýlyǵymen baılanysty is-sharalardy, mysaly, josparly tekserip-qaraýdy, egýdi jáne basqalaryn ótkizý qajettigi týraly habarlama túsedi.
Memlekettik jáne jekemenshik sektordaǵy basqa uıymdardyń tájirıbesinen, sondaı-aq, halyqaralyq tájirıbeden bıznes-prosesterdi avtomattandyrý qyzmetkerlerdiń jumys isteý prosesin jeńildetetinin jáne qaǵaz tasyǵyshtardaǵy qujataınalym sanyn azaıtatynyn, sondaı-aq, MÁMS sýbektileri arasyndaǵy ózara eseptesý prosesiniń tolyqtaı aıqyndyǵyna qol jetkizilgenin kórsetedi. Nátıjesinde uıymda jumsalatyn resýrstardyń ýaqyty jáne quny azaıtylady, bul keıingide uıymnyń qarjylyq qarajatyn túbegeıli únemdeý múmkindigin beredi.
Alena REBRIKOVA,
Aınur JANMOLDAEVA
