– Ishki kvartaldyq 250 shaqyrymǵa sozylatyn júıeni tartyp, oǵan 14 úıdi qosý úshin bir apta ýaqyt jiberdik, – dedi «Nur Otan» partııasy boıynsha qalalyq máslıhat depýtaty Márlen Kókirekbaev. – Halyq surap kelgen soń, biz qala ákimimen, sý qubyryn tartýshylar jáne kásipkerlermen birge jumys jasadyq. Qarapaıym turǵyndardyń ótinishin dalaǵa tastamaı, qubyrlardy tipti úıine, aýlasyna kirgizip berdik. Jáne tek bul kóshe ǵana emes, mańaıdaǵy turǵyndar da sý tartyp alýlaryna bolady.
Turǵyndarmen kezdesý barysynda qala ákimi Ermak Sálimov sýdan basqa da olardyń ótinishterin tyńdady.
Qala ákiminiń aıtýynsha, aldaǵy ýaqytta bul aýdanda balalar alańy da salynatyn bolady. Jáne turǵyndar eski úılerinen kóship, jańa baspana alýǵa memlekettik «Nurly jer» baǵdarlamasy boıynsha qol jetkize alady. Osy baǵdarlama arqyly shet qalǵan aýdandar jańǵyryp, halyq kóp qonystanatyn mekenge aınalmaq. Bir sózben aıtqanda, «Nurly jer» arqyly Semeıde qurylys qarqyn alatyn bolady.
Raýshan NUǴMANBEK
