Tanymal akterdi halyqaralyq áýejaıdan QR Mádenıet jáne sport vıse-mınıstri Asqar Batalov jáne «Eýrazııa» HIII halyqaralyq kınofestıvaliniń prezıdenti Aıman Musaqojaeva kútip aldy.
«Eýrazııa» HIII halyqaralyq kınofestıvali óz jumysyn jalǵastyrýda. Birneshe kúnniń ishinde birqatar fılmder legi qaraldy. Jobaǵa 101 fılm qatysýda. Al, festıval aıasynda jalpy 296 kartına usynylǵan. Bizdiń kınoforýmǵa tanymal gollıvýdtyq juldyzdar Nıkolas Keıdj, Edrıan Broýdı qatysqan bolatyn. Al, búgin tanymal gollıvýd akteri Djon Malkovıch aramyzǵa qosyldy. Ol kınofestıvaldiń jabylý saltanatyna keldi, jeńimpazdardy marapattaý rásimine qatysatyn bolady. Men ony bizdiń talantty jastardy kıno álemindegi jańa jetistikterge umtylýǵa jeteleıtinine senemin», - dep atap ótti Aıman Musaqojaeva óz sózinde.
Tanymal akter Djon Malkovıch Qazaqstanǵa osymen ekinshi ret kelip otyr. Birneshe jyl buryn ol Almatydaǵy Qazaqstan-Amerıka birlesken kınofestıvaline qatysqan bolatyn.
«Men Almatyda 2010 jyly boldym. Al, bul jyly alǵash ret «Eýrazııa» halyqaralyq kınofestıvaline qatysatyn bolamyn. Búgin osy jerde bolǵanyma óte qýanyshtymyn. Aıta ketý kerek, men qazaqstandyq kıno jóninde az bilemin. Degenmen, Ermek Shynarbaev sııaqty qazaqstandyq tanymal kınorejısserlermen birneshe ret kezdesken bolatynmyn. Ol men qatysqan festıvalde óz fılmin usyndy», deıdi gollıvýdtyq juldyz Djon Malkovıch.
Esterińizge salsaq, «Eýrazııa» kınofestıvali jumysyn 2017 jyldyń 22 shildesinen bastady, 28-shildege deıin sozylady.
