-Búgingi tańda Astana ákimdiginiń qoldaýymen 18 aýla klýbtary jumys isteıdi. Seksııalar men úıirmelerdiń jalpy sany- 109. Aýla klýbtaryna turaqty 2089 bala men bozbalalar barady. Kelesijyly Astana qalasy ákimi Áset Isekeshevtiń bastamasymen aýla klýbtarynyń sanyn 30-ǵa deıin jetkizý kózdelgen, - dep habarlady elorda ákimdiginiń medıa ortalyq tilshisine «Astana jastary» KMM jetekshisi Muhamedjan Bolysbek.
Onyń sózinshe, ótken jylmen salystyrǵanda bıyl klýbtarǵa baratyndar sany eki esege ósken. Aýla klýbtarynyń basym bóligi «Almaty» aýdanynda ornalasqan, munda 10 aýla klýby bar. Al, qalǵandary Astananyń ózge aýdandarynda.
Búginde aýla klýbtary elordalyq jastardyń bos ýaqytyn ótkizetin jáne jeke qabiletterin damytatyn ortalyqqa aınaldy. Klýbtarda karate, boks, erkin kúres, qol kúresi, dzıýdo, stol tennısi, shahmat jáne shashkı boıynsha seksııalardyń keń túri qarastyrylǵan.
Budan bólek, jastarǵa shyǵarmashylyq talanttaryn shyńdaýǵa múmkindik beretin ártúrli úıirmeler ashylǵan. Al, sport, ulttyq, jáne qoldanbaly óner, horeografııa jáne mýzyka salaýatty ómir saltyna baýlıdy.
-Búginde aýla klýbtaryna baratyn balalar men bozbalalar sportpen aınalysyp, tehnıkalyq shyǵarmashylyqqa úırene alady, ózderiniń kóshbasshylyq qabiletterin damytady. Sol sebepti qalanyń barlyq turǵyndaryna balalaryn aýla klýbtaryna ákelip, tegin oqytýǵa shaqyramyz, - deıdi Muhamedjan Bolysbek.
