Mınıstr Tamara Dúısenovanyń bastamasymen qolǵa alynǵan shara aldymen Qazyǵurt aýdanynan bastaldy. Aksııa aıasynda óńir turǵyndary tamyzdyń 2-sine deıin atalmysh vedomstva basshylarynan tikeleı keńes ala alady, dep habarlaıdy QazAqparat HAA tilshisi.
Qazyǵurt aýdanynda bolǵan mınıstrlik ókilderi aldymen aýdan aktıvimen, keıinnen jergilikti kásipkerlermen kezdesti. Áleýmettik kómekti jańǵyrtý, «О́rleý» jobasyna qatysý, zeınetaqy júıesiniń reformasy, jumys berýshiler men jumysshylardyń quqyǵyn saqtaý syndy máseleler boıynsha pikir almasyldy.
Eńbek zańnamasyndaǵy qazaqstandyqtardyń quqyǵy men memleket tarapynan beriletin san alýan kómek túrleri keńinen túsindirildi. О́z kezeginde vedomstva ókilderi áleýmettik kómek máselesi boıynsha turǵyndardy jeke qabyldady.
Jıynda sondaı-aq múgedekterdiń quqyǵyn qorǵaý, múmkindigi shekteýli jandarǵa arnaýly áleýmettik qyzmetter kórsetý jáne nysandardy múgedekterge qoljetimdi bolatyndaı etip, beıimdeý jaıy da sóz boldy. Mınıstrlik ótkizgen mańyzdy shara halyqpen baılanysty jetildire túsý, «Ashyq Úkimet» ıdeıasyn iske asyrýdaǵy qadamdardyń biri boldy.
