Qazirgi kúni sıfrlandyrý máselesi densaýlyq saqtaý salasynda da óte ózekti ekeni málim. Osyǵan oraı Densaýlyq saqtaý mınıstri Eljan Birtanov búgingi tańda elimizdiń densaýlyq saqtaý jelisin 6 030 nysan quraıtynyn, sonymen qatar qalalar men aýdan ortalyqtary deńgeıinde ınternetke 100 paıyz qosylǵanyn, degenmen shalǵaıda ornalasqan eldi mekenderde ınternetke qoljetimdilikke qatysty áli de sheshilmegen máseleler bar ekenin málimdedi. Qazaqstanda 166 aýdandyq jáne aýyldyq aýrýhana men emhana bar, olardyń 85 paıyzy jelige qosylǵan, al 50-den 800-ge deıingi adam turatyn eldi mekenderde medpýnkterdiń ınternet jelisine qosylýy 4 paıyzdy quraıdy.
Osylaısha, densaýlyq saqtaý júıesinde jelige qosylmaǵan nysandar sany 3 715-ti quraıdy. Sondaı-aq usynylǵan joba aıasynda keń jolaqty ınternetke 1 700 nysandy qosý josparda bar. Osyǵan oraı qalǵan nysandardy qosý úshin baılanystyń ózge tásilderin, sonyń ishinde telefon operatorlary qyzmetterin qarastyrý kózdelgen.
Búgin Premer-Mınıstr Baqytjan Saǵyntaevtyń tóraǵalyǵymen ótken Úkimet otyrysynda aýyldyq eldi mekenderdi keń jolaqty ınternet jelisine qosýdy qamtamasyz etý Jobasy qaralǵan bolatyn.
Dınara BITIK,
«Egemen Qazaqstan»
