Syrtqy ister mınıstrliginiń habarlaýynsha, jıyn barysynda BUU-nyń beıbitshilik jónindegi arnaıy koordınatory Nıkolaı Mladenovtiń brıfıngi tyńdaldy.
Brıfıngtiń ashyq bóliminde sóz sóılegen Qazaqstannyń Birikken Ulttar Uıymy janyndaǵy Turaqty ókili Qaırat Omarov taraptardy shıelenisti beıbit túrde, ádil ári halyqaralyq quqyq normalaryn saqtaı otyryp retteýge shaqyrdy.
Ol óz málimdemesinde Izraıl men Palestınanyń kóshbasshylary eki eldiń beıbit túrde qatar ómir súrýin saqtap qalý maqsatynda naqty qadamdar qabyldaýy tıis ekendigin aıtty.
Qazaqstan palestınalyq jáne ızraıldyq tarapty beıbit qarym-qatynas, qaýipsizdik pen damý jolyndaǵy «eki el halyq úshin» qaǵıdaty negizinde tarıhı beıbit kelisim jetistigin saıası erik negizinde kórsetýge shaqyrdy.
Qazaqstandyq delegasııa «Taıaý Shyǵys tórttigi» (Eýropa Odaǵy, Amerıka Qurama Shtattary, Reseı jáne Birikken Ulttar Uıymy ókilderi) jumysyn qaıta jandandyrýdy usyndy. Sonymen birge halyqaralyq uıym nazaryn Gaza sektoryndaǵy jaǵdaıǵa aýdardy. Qazaqstan atalǵan máseleni sheshý barysynda AQSh, Reseı, Egıpet tarapynan jasalǵan dıplomatııalyq áreketterin maquldady.
