Týrnırge dinı birlestikteri «Aq meshit», «Pavlodarskaıa obshına Evangelskıh Hrıstıan Baptıstov», Rımsko-Katolıcheskıı Prıhod «Svıatoı Terezy Mladensa Iısýsa», «Serkov Hrıstıan Adventıstov sedmogo dnıa goroda Pavlodara», Hrıstıan very evangelskoı «Serkov Iısýsa Hrısta» komandalar qatysty.
Týrnırdi oblystyq Din isteri basqarmasynyń konfessııaaralyq qarym-qatynastardy taldaý jáne damytý ortalyǵy uıymdastyrdy. Maqsaty – konfessııaaralyq kelisimdi nyǵaıtý, ár túrli konfessııalar men senimder ókilderi arasynda dostyq qarym-qatynas ornatý, salaýatty ómir saltyn nasıhattaý. Týrnırge qatysýshy boýlıng oıynshylaryn oblystyq Din basqarmasynyń bastyǵy Dáýlet Zákárııanovtyń quttyqtady.
Konfessııaaralyq qarym-qatynastardy taldaý jáne damytý ortalyǵynyń bólim basshysy Gúlnáz Maqsutqyzynyń aıtýynsha, din qyzmetkerleriniń sporttyq kezdesýi-sport adamdardy biriktiredi. Túrli konfessııalardyń lıderleri qoǵamda tatýlyq pen kelisimdi saqtaý- dinniń basty maqsaty ekendigin kórsetý úshin bas qosady. Qandaı dindi ustanatyndyǵyna qaramastan, adamdar bir-birine qurmetpen qarasa, jaqsy, turaqty dıalog qura alady.
Árbir sporttyq týrnırlerde mundaı kezdesýler densaýlyqty jaqsartý úshin ǵana emes, túrli konfessııalar men dinder ókilderiniń dostyq qarym-qatynastaryn nyǵaıtý úshin qajet deıdi qatysýshylar. Jarystar sońynda jeńimpazdar men júldegerler marapattaldy
Farıda Byqaı
«Egemen Qazaqstan»
Pavlodar
Sýretti túsirgen Gúlnáz Maqsutqyzy
