Tarıh • 25 Qazan, 2017

Túrkistan jaıly 3D kitap «Áziret Sultan» mýzeıi kitaphanasynda

726 ret kórsetildi

Reseı ǵylym akademııasynyń Antropologııa jáne etnografııa mýzeıiniń dırektor orynbasary jáne «Manuscripta Orientalia» halyqaralyq ǵylymı jýrnalynyń bas redaktory professory  E.A. Rezvannyń «Túrkistan» atty kitaby kóptegen jyldar boıy murajaı jáne ekspedısııalyq zertteýlerdiń materıaldaryna negizdele otyryp, Qazaqstannyń tarıhy, mádenıeti men dástúri jáne orys pen qazaq mádenıetiniń ózara tarıhı  qatynasyna arnap shyǵarylǵan, dep habarlaıdy «Áziret Sultan» qoryq-mýzeıiniń baspasóz qyzmeti.

Tarıhı qundy kitapta  2010 - 2015 jyldar aralyǵyndaǵy  ekspedısııalyq issaparlardyń qorytyndysyna səıkes, Qazaqstan men Reseıdiń tyǵyz baılanysty tarıhy jəne qazaq mádenıetiniń birqatar erekshelikteri men eskertkishteri jaıly jańa ǵylymı materıaldar arqyly málimetter tolyqtaı toptastyrylyp, beıne jáne aýdıo ıllıýstrasııalarmen barlyq elementter qamtylǵan.

Tórt bólimnen turatyn kitaptyń tórtinshi bóliminde «Áziret Sultan» qoryq-mýzeıine qarasty Qoja Ahmet Iаsaýı kesenesi jáne qasıetti Taıqazannyń sýretteri beınelengen.

«Túrkistan» kitabynyń negizgi ereksheligi muqaba men ishki betterge jańa 3D-tehnologııa qoldanylǵan. Mysalǵa, smartfonyńyzdyń kamerasyn qosyp kitapqa qaraı túsirseńiz Qoja Ahmet Iаsaýı kesenesiniń ejelgi kórinisi jəne ony aınaldyra otyryp, keseneniń jan-jaǵy men  ishki kórinisterin kórýge bolady.

«Túrkistan» kitaby Reseı ǵylym akademııasynyń Antropologııa jáne etnografııa mýzeıi jáne «MIR» Memleketaralyq teleradıokompanııasynyń Qazaqstan Respýblıkasyndaǵy ulttyq fılıalynyń qoldaýymen Sankt-Peterbýrg qalasyndaǵy «Tıpografııa» Ekstraprınt» baspahanasynda 2016 jyly basylyp shyqqan.

Belgili ǵalym, ıslamtanýshy Efım Rezvannyń «Túrkistan» kitabyn «Áziret Sultan» memlekettik tarıhı-mádenı qoryq-mýzeıine «MIR» Memleketaralyq teleradıokompanııasynyń Qazaqstandaǵy ulttyq fılıalynyń dırektory Asqar Álimjanov 2016 jyly syıǵa tartyp, qoınyna mol mura tunǵan qundy dúnıeniń mýzeı kitaphanasynda alar orny aıryqsha.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar