Bul ózgeristen biz ne kútemiz? Jalpy alǵanda, latyn grafıkasy qazaq tiliniń dybystyq júıesin tabıǵı qalypqa túsirip, jasandylyqqa urynǵan artıkýlıasııalyq bazasynan aryltýy tıis.
Ekinshiden, burynǵy qyryq eki áriptiń sany qysqaryp, jańadan maquldanǵan 32 árip-dybystyq álipbıdiń ereksheligi, bolashaqta jazý syıymdylyǵyn arttyrýǵa negiz bolary anyq.
Úshinshiden, jańa álipbı tilimizdiń ulttyq sıpatyn arttyryp, sanamyzdy silkintip, jadymyzdy jańǵyrtyp, rýhanı bodandyqtan qutqarýdyń joly bolar degen úmit bar.
Osy oraıda Elbasy ózi bastamashy bolǵan rýhanı ózgeristi baıandy iske asyrý úshin arnaıy komıssııa qurýdy latyn álipbıine kóshýdiń kezeńdik baǵdarlamasyn daıyndaýdy Prezıdentiniń Ákimshiligine tapsyrypty. Osyndaı kemel de keleli iske tek sáttilik tileýden basqa ne aıtýǵa bolady.
«Kósh júre túzeledi» degendeı, bolashaqta latyn álipbıine bizden buryn kóshken Túrkııa, О́zbekstan, Ázerbaıjan, Túrikmenstan sekildi túrkitildes elderdiń tájirıbesine súıene otyryp, olardyń jibergen qate-kemshilikterinen sabaq alýymyz qajet.
Muhtarbaı О́TELBAEV,
UǴA akademıgi
