Qazaqstan • 30 Qazan, 2017

Reseı Elshisi: Qazaqstannyń latyn álipbıine kóshýine qurmetpen qaraımyz

371 ret

kórsetildi

1 mın

oqý úshin

Reseı Qazaqstannyń memlekettik tildi latyn álipbıine kóshirýin qurmetpen qaraıdy. Mundaı pikirdi búgin elordada ótip jatqan QR Parlamenti Májilisi men RF Federaldy jınalysynyń Memlekettik dýmasy komıtetteriniń kezdesýinde Reseıdiń Qazaqstandaǵy Tótenshe jáne О́kiletti Elshisi Mıhaıl Bocharnıkov bildirdi.

Egemen Qazaqstan

Reseı Elshisi: Qazaqstannyń latyn álipbıine kóshýine qurmetpen qaraımyz

«Qazaqstan orys tili Konstıtýsııaǵa sáıkes resmı mártebesi bar memleketterdiń biri. Reseı egemen Qazaqstannyń aldaǵy ýaqytta memlekettik tildi latynǵa kóshirý týraly sheshimin túsinistikpen jáne qurmetpen qaraıdy», dedi Reseı Elshisi.

Osy rette Elshi «QR Prezıdenti Nursultan Nazarbaevtyń jáne basqa da eldiń resmı tulǵalarynyń nyq málimdeýinshe, Qazaqstanda orys tiliniń pozısııasy saqtalyp otyrǵanyn» basa aıtty. Buǵan qosa, Qazaqstannyń orta mektepterinde orys tilin oqytý jalǵasý ústinde ekendigin atap ótti.

«Respýblıka basshylyǵy orys tilin el azamattarynyń erkin meńgerýin Qazaqstannyń mańyzdy mádenı basymdyǵy retinde qarastyrady. Qazirdiń ózinde Qazaqstannyń resmı ıstansııasynan orys tili muǵalimderiniń joǵary deńgeıde qajet etiletindigi, olardyń sanyn arttyrýǵa qyzyǵýshylyq bar ekendigi, sonymen qatar reseılik joǵary oqý oryndarynyń jańa fılıaldarynyń ashylatyndyǵy týraly aqparatymyz bar. Reseı taraby bul baǵytta óziniń kómegin berýge daıyn», dedi Bocharnıkov.