Abaı sýretiniń tarıhy

Soldan ońǵa qaraı: birinshi qatarda bórik kıip otyrǵan qyz bala – Pákızat. Pákızattyń basyna kıip otyrǵan bórki bul kúnde Jıdebaıdaǵy Abaı mýzeı-úıinde ekspozısııada tur. Odan keıingi otyrǵandar – Turaǵul men Áýbákir. Pákızat pen Áýbákir ekeýi de Aqylbaıdyń balalary. Abaıdyń kenje inisi Ospan ózinde bala bolma­ǵandyqtan bul ekeýin de baýyryna salyp alǵan. 

Ekinshi qatardaǵylar – Abaı, Erke­jan jáne Qamalııa. Qamalııa – Áýbákirdiń áıeli. Bul kisiniń Abaı týraly aıtqan estelikteri mu­rajaı qoryn­da saqtaýly tur. Al Erkejan – Ospannyń báı­­bi­shesi. Ony Ospan qaıtys bol­ǵan­­nan keıin, ámeńgerlik jol­men 1894 jyly Abaı ózi alyp, ómi­ri­niń sońǵy on jylyn Jıde­baı­d­a osy Erke­janmen birge ót­kizgen. Úshinshi qatarda turǵan – Maǵaýııa.

Fotosýretti túpnusqadan 1959 jyly qaıta kóshirip, Abaı mýze­ıine ótkizgen – jazýshy Muh­tar Áýezov. Al túpnus­qasy Alma­ty­daǵy M.Áýezov mý­zeıin­de saq­tal­ǵan. Sýrettiń kó­lemi – 13 h 23 sm, qor kitabyn­da 461\542 ınventarǵa tirkeýli tur. 

Bul fotosýret kóptegen ba­sy­l­ymdarǵa shyǵyp, ta­nymal boldy. Qazirdiń ózinde sýret­tiń kóshirmesi Qazaqstan Res­pýb­lıkasy Ulttyq mýzeıiniń «Qazaq­­­stan tarıhy» zalynyń «HIH ǵasyrdaǵy ulylar» ekspozısııasynda kórmede tur. 

Qaıyrjan KÚZEMBAEV, 
Ulttyq mýzeıdiń ǵylymı qyzmetkeri