Saltanatty rásimge Japonııanyń Qazaqstandaǵy elshisi Itıro Kabavata, elimizdiń Syrtqy ister mınıstriniń orynbasary Roman Vasılenko qatysty. Quttyqtaý sózinde I.Kabavata Qazaqstan men Japonııa arasyndaǵy dıplomatııalyq qarym-qatynastyń ornaǵanya 25 jyl tolǵanymen quttyqtap, beıbitshilik pen ıadrolyq qarýdy taratpaý jóninde eki eldiń áriptestik ornatqanyn atap ótti.
«Bıyl Japonııa men Qazaqstan BUU Qaýipsizdik keńesiniń turaqty emes músheleri retinde beıbitshilik pen halyqaralyq qaýymdastyqtyń qaýipsizdigi jolynda birlese qyzmet atqaryp keledi. Iаdrolyq qarýsyzdaný men ıadrolyq qarýdy taratpaý Qazaqstan men Japonııa qatynastarynyń negizi baǵyty. Sondyqtan Japonııa «Nevada-Semeı» halyqaralyq ıadrolyq qarýǵa qarsy qozǵalystyń prezıdenti Oljas Súleımenovti ıadrolyq qarýdy taratpaý salasyndaǵy yntymaqtastyq arqyly eki el arasyndaǵy dostyq qatynastardyń damýyna zor úles qosqany úshin «Kúnshyǵys eli, gúlórnekti Altyn shýaq» ordenimen marapattady», dedi I.Kabavata.
Elshiniń aıtýynsha, eki el arasyndaǵy baılanys nyǵaıyp keledi. Máselen, Astanada ótken "EKSPO-2017" halyqaralyq kórmesine Japonııa tarapy belsene qatysty. Sondaı-aq, elimizde Kún shyǵys eliniń mádenıeti keńinen tanystyryldy. Máselen, "Qalampyr" telehıkaıasy qazaq tilinde kórermenge jol tartyp, "Aqtastaǵy Ahıko" qoıylymy halyq nazaryna usynyldy.
О́z kezeginde Oljas Súleımenov Japonııaǵa degen sheksiz qurmetin jetkizdi.
«Men Japonııa elshilikteriniń kóptegen qabyldaýlarynda boldym. Al búgin birinshi ret ordenmen qaıtqaly turmyn. Japonııaǵa birneshe ret saparmen bardym. Alǵashqy saparymnan beri beri japon halqyn, japon mádenıetin, zııatkerlik jáne rýhanı áleýetin erekshe qurmetteımin», dedi Oljas Súleımenov.
Saltanatty shara Japon ımperatory Ahıkıtonyń týǵan kúnine oraı Japonııa elshiligi tarapynan uıymdastyryldy. «Kúnshyǵys eli, gúlórnekti Altyn shýaq» ordeni 1875 jyldan beri azamattyq jáne áskerı qyzmeti úshin tabystalatyn marapat. Orden Japonııadaǵy eń úzdik úsh marapattyń qataryna jatady.
Oljas Súleımenov - Japonııanyń marapatyn alǵan úshinshi qazaqstandyq. Buǵan deıin 2008 jyly Qazaqstan Prezıdenti Nursultan Nazarbaev «Úlken lentadaǵy Hrızantema ordenimen» marapattalsa, 2006 jyly - Qazaqstandaǵy japon tutqyndardyń zıratyn izdeýmen aınalysqan tarıhshy Asqanbek Aldanazarov «Kúnshyǵys, Altyn shýaq ordeniniń» ıesi atandy.
