Áńgime barysynda ekijaqty qatynastar jáne ony keleshekte odan ári damytý máseleleri talqylandy. Ispan senatory bizdiń elimizdegi demokratııalyq reformalar men ekonomıkalyq jańǵyrýdyń barysymen tanystyryldy jáne ony joǵary baǵalady.
Júzdesýshiler ekijaqty jáne kóptarapty sıpattaǵy parlamentaralyq únqatysýdy nyǵaıtý jaıynda aıtty. H.Lýkas Hımenes qazaqstandyq senatorlardy ózara is-qımyldy údetý úshin Ispanııaǵa saparlap kelýge shaqyrdy.
D.Nazarbaeva Qazaqstan men Ispanııa arasyndaǵy saýda aınalymyn óristetý qajettigin atap ótti jáne «EKSPO-2017» halyqaralyq kórmesine qatysqany úshin ıspan tarapyna alǵys aıtty. «Joǵary mártebeli Korol Felıpe VI-ni kórmeniń qurmetti qonaǵy retinde qabyldaý bizge zor mártebe boldy. Ispanııa Ulttyq kúniniń saltanatty ashylýyna Depýtattar kongresiniń Tóraǵasy A. Pastor qatysty. Bul bizdiń qatynastarymyzdyń kezekti damý qadamy bolyp esepteledi», - dep atap ótti senator. EKSPO aıasynda «Astana» halyqaralyq qarjy ortalyǵy, Halyqaralyq IT-startaptar tehnoparki jáne BUU aıasyndaǵy «Jasyl» tehnologııalardy damytý jáne ınvestısııalyq jobalar ortalyǵynyń jumys isteıtini týraly ıspan parlamentshisi habardar etildi.
Ispanııa Senaty Konstıtýsııalyq máseleler jónindegi komıtet tóraǵasy Memleket basshysy N.Nazarbaevtyń jasyl tehnologııalardy damytýǵa erekshe nazar aýdaratynyn atap ótti.
