Sharaǵa Elbasy N.Ə.Nazarbaevtyń Dneprodzerjınsk tehnıkalyq ýchılıshesinde birge oqyǵan kýrstasy Karımov Ásetýlla, Q.A.Iаsaýı atyndaǵy HQTÝ professory, Elbasytanýshy Sadyqov Seıdolla,oblystyq máslıhat depýtattary Táńirbergenov Rahym, Súıleımenov Baımahan, Túrkistan qalalalyq ardagerler keńesi men aqsaqaldar alqasynyń tóraǵalary men músheleri qatysyp jádigerler kórmesiniń lentasyn qıdy.
Tarıhı tanymǵa toly sharada «Əziret Sultan» qoryq-mýzeıi qorynan 100-ge jýyq qundy dúnıe ornalastyrylsa, onyń ishinde Elbasy N.Á.Nazarbaevtyń 1985 jyly Qazaq SSR Mınıstrler kabınetiniń basshysy, egemendi, táýelsiz Qazaqstannyń tuńǵysh Prezıdenti tusyndaǵy, baýyrlas Túrkııa Respýblıkasynyń Prezıdentteri Turǵyt Ozal, Súleımen Demırel, Ahmet Sezar, Abdýlla Gúl, R.T.Erdoǵan, О́zbekstan Respýblıkasynyń Prezıdenti I.Karımovtarmen Túrkistandaǵy resmı keńesteri men Elbasy N.Á.Nazarbaevtyń syıǵa bergen Quran kitaptary, qazaq, orys, aǵylshyn, túrik tilderinde jaryq kórgen «Ǵasyrlar toǵysynda», «Tarıh tolqynynda», «Syndarly on jyl», «Qazaqstan joly», «Kazahstanskıı pýt», «Beıbitshilik kindigi», «Týǵan elim — tiregim», «Evrazııskıı Soıýz ıdeı, praktıka perspektıvy», «Kutup Yildizi», «Nursultan Nazarbayev» atty jaryq kórgen kitaptary bar.
«Kıeli Túrkistan qalasyndaǵy Qoja Ahmet Iаsaýı kesenesi túrki halyqtarynyń, onyń ishinde ısi qazaqtyń aıryqsha qurmet etip, tábárik tutar mekeni. Uly ustazdyń rýhanı ilimi baǵzy zamannan beri shynaıy erkindikke, táýelsizdikke jetkizetin jol retinde tanylǵan. «Esim hannyń eski joly», «Qasym hannyń qasqa joly» dep ótken keshegi qazaqtyń han-sultandary el basqarý isinde Iаsaýı qaǵıdalaryn negizge alǵan. Elbasymyz N.Á.Nazarbaev «Túrkistan men onyń uly ǵımaratyn búgingi urpaq qazaq memlekettiligi taǵdyrmen tyǵyz birlikte qarastyrady. Ulttyq bostandyǵymyz ben irgeli eldigimizdiń aq ordasy, asyl kózi dep ardaq tutady» dep kıeli mekenniń dárejesin odan ári aıqyndaı tústi. Osy altyn sabaqtastyqtyń búgingi kúnge deıin tini úzilmeı jetkendigin Elbasymyz Nursultan Nazarbaevtyń ótken tarıhymyzǵa, rýhanı muramyzǵa degen izgi nıetimen, iltıpatymen baılanystyrýǵa bolady.
Árkez babalar dástúrine aınymas adaldyqtyń úlgisin kórsetip kele jatqan Elbasymyz Áziret Sultan kesenesiniń IýNESKO-nyń Búkilálemdik muralar tizimine enýine tikeleı muryndyq boldy»-deıdi, qoryq-mýzeı basshysy N.Ahmetjanov.
Elbasy 1985-1988 jyldary Qazaq SSR Mınıstrler kabınetiniń basshysy qyzmetin atqaryp júrgen tusta, Qoja Ahmet Iаsaýı kesenesine arnaıy at basyn buryp, mundaǵy atqarylyp jatqan is-sharalarmen tanyssa, odan beri de sapary úzilgen joq. Elimiz táýelsizdigine qol jetkizip, egemendi memleket retinde eńsesin tiktegen kezeńde Elbasy N.Á.Nazarbaev Túrkistan qalasynyń abyroıyn asqaqtatar, kúlli túrki jurtynyń basyn qosýǵa baǵyttalǵan jobalardy bekitti. Tuńǵysh ret kıeli mekennen Qoja Ahmet Iаsaýı atyndaǵy Halyqaralyq Qazaq-Túrik ýnıversıteti ashyldy. Sonymen qatar keseneniń kórik-kelbetin qalpyna keltirýge kúsh jumyldyryp, 2000 jyly Túrkistan qalasynyń 1500 jyldyq mereıtoıyn IýNESKO deńgeıinde atap ótýge múmkindik berildi . Prezıdenttiń Áziret Sultan kesenesine jasap otyrǵan qamqorlyǵynyń arqasynda «Mádenı mura» baǵdarlamasynyń aıasynda kóne shahardyń shynaıy shejiresin aıqyndaý qolǵa alynsa, atalǵan baǵdarlama aıasynda oryndalǵan nátıjeli eńbekterdiń ózi bir tóbe.
Elbasy N.Á.Nazarbaevtyń óz qalamynan týyndaǵan kitaptar men oı-tolǵamdarynda Qoja Ahmet Iаsaýıdiń rýhanı ilimi men onyń qazirgi kezdegi qajettiligine basa nazar aýdaryp, onyń tarıhı-mádenı mańyzyna qatysty eleýli tyń tujyrymdar túıindese, «Tarıh tolqynynda», «Syndarly on jyl», «Ǵasyrlar toǵysynda» atty kitaptarynda Iаsaýı qalyptastyrǵan ilimniń qundylyǵy jóninde de mańyzdy pikirlerin joldady.
