«2017 jyly 28 jeltoqsanda Elbasy Qazaqstan Respýblıkasynyń ákimshilik quqyqbuzýshylyq týraly kodeksine ózgerister engizý týraly zańyna qol qoıdy. Zań resmı túrde jarııalanǵan kúnnen bastap, 10 kúnnen keıin kúshine enedi. Ákimshilik quqyqbuzýshylyq kodeksine engizilgen erejelerge sáıkes, jol erejeleriniń buzylýyna qatysty aıyppuldyń 22 túri azaıtyldy», - deıdi Nurseıit Ábishev Astanada ótken baspasóz máslıhaty barysynda.
QR IIM ókiliniń aıtýyna qaraǵanda, belgili bir shekti jyldamdyqty 10-nan 20 shaqyrymǵa asyrǵan jaǵdaıda aıyppul mólsheri qazir 10 AEK bolsa, budan bylaı 5 AEK-ke azaıady.
«Sonymen qatar, múgedekterdiń kólikterin qoıýǵa arnalǵan orynǵa basqa júrgizýshiler kólikterin qoıǵan jaǵdaıda qazirgi aıyppul 50 AEK bolsa, onyń mólsheri zańǵa engizilgen ózgeristerge sáıkes 10%-ǵa azaıady. Sonymen qatar, Ishki ister organdary toqtaý týraly belgi bergende, jol saqshysynyń zańdy talabyna baǵynbaǵan jaǵdaıda júrgizýshilerge qazirgi kezde 1 jylǵa deıin kólik quraldaryn basqarý quqyǵyn aıyrylady. Al atalǵan zańmen osy jazany 6 aıǵa deıin qysqartý kózdelgen», - deıdi ol.
Nurseıit Ábishev sonymen birge, joldyń qarsy betine shyǵyp ketken jaǵdaıda qazirgi kezde ákimshilik quqyqbuzýshylyq týraly kodeks boıynsha 1 jylǵa deıin júrgizýshi kýáligi men kólikti basqarý quqyǵynan aıyrý jazasy qarastyrylǵan. Al jańa ózgeris boıynsha atalǵan jazany 30 AEK mólsherindegi aıyppulǵa aýystyrý kútilip otyr.
«Atalǵan zań boıynsha aıyppul 7 kúnniń ishinde tólense, 50%-dyq jeńildik jasaý múmkindigi burynǵydaı qaldyryldy», - deıdi Nurseıit Ábishev.
