Saıysqa elimizdiń 5 oblysynan 30-dan astam sportshy qatysty. Qysqy spartakıadada esimderi elimizge ǵana emes, álemge áıgili Iýlııa Galysheva, Dmıtrıı Reıherd, Pavel Kolmakov syndy tájirıbeli sportshylar da óner kórsetti.
Oblystyq Dene shynyqtyrý jáne sport basqarmasynyń baspasóz qyzmetiniń taratqan málimetterine sensek, jarysta úzdik nátıje kórsetken frıstaılshylar qańtar aıynyń 1 kúni Kanadanyń Kalgarı jáne AQSh-tyń Solt-Leık-Sıtı qalalarynda ótetin álem Kýbogine jol tartady. Álem Kýboginde júldeli oryndardan kóringen sportshylardan Koreıanyń Phenchhan qalasynda ótetin qysqy Olımpıada oıyndarynda el namysyn qorǵaıtyn qurama jasaqtalmaq. Eki kúnge sozylǵan frıstaılshylar básekesindegi jeńimpazdar men júldegerler esimin nazarlaryńyzǵa usynýdy jón kórip otyrmyz.
Erler arasyndaǵy qorytyndy:
1 oryn - D.Reıherd.
2 oryn - P.Kolmakov.
3 oryn - D.Barmashov.
Áıelder arasyndaǵy qorytyndy:
1 oryn - Iý.Galysheva.
2 oryn - A.Ámirenova.
3 oryn - O.Graýr.
Áıelder arasynda juptyq mogýl qorytyndysy:
1 oryn - Iý.Galysheva.
2 oryn - A.Ámirenova.
3 oryn - A.Gorodko.
Erler arasynda juptyq mogýl qorytyndysy:
1 oryn - D.Reıherd.
2 oryn - P.Kolmakov.
3 oryn - D.Barmashov.
Komandalyq mogýl qorytyndysy:
1 oryn – Shyǵys Qazaqstan oblysy.
2 oryn - Almaty oblysy.
3 oryn - Almaty qalasy.
Azamat QASYM,
«Egemen Qazaqstan»
Shyǵys Qazaqstan oblysy
