Damýdyń irgetasy adamı kapıtaldan bastalady

Oǵan oblystaǵy basqarmalar, vedomstvolar, joǵary oqý oryn­­­dary­­nyń jáne buqaralyq aqpa­rat quraldarynyń basshylary qa­tysty. Sonymen qatar oblys­taǵy aýdan­­dar men qalalar ákim­deri, sol jerler­degi aýyldyq ákim­­der men bilim oshaqtarynyń, sharýashy­lyq­tardyń basshylary selektorlyq rejim­ge qosylyp, tikeleı baılanysta tal­qylaýǵa qatysyp otyrdy. Jol­daýdy osy jolǵy talqylaýǵa bar­lyǵy eki myńǵa jýyq adamdy qamtydy.

Joldaýda jahandyq básekege qabiletti bolý úshin damýdyń ındýs­trııalandyrý, aýyl sharýashylyǵy, kólik ınfraqurylymy, qarjy sektory, IT-tehnologııalar salalaryn qamtyǵan on basym baǵyty kórsetilgen edi. Joldaýda sonymen qatar adamı kapıtalǵa nazar aýdarylǵan bolatyn. Elbasy maqsat etip qoıǵan básekege qabiletti, úsh tildi meńgergen, ozyq oıly jas urpaq qalyptastyrý úshin den­saýlyq saqtaý jáne bilim berý sapa­syn arttyrý bıik mindet bolyp tabylady. Osyǵan oraı oblys ákiminiń orynbasary Marat Jún­dibaev oblysta atqarylyp otyrǵan sharalardan aqparat berdi.

Elbasy osyǵan deıingi Jol­daý­larynda da halyqtyń áleýmettik jaǵdaıyna, onyń ishinde bilim berý isin strategııalyq mindetterdiń biri dep qarastyrady. Qostanaı oblysynda da jyl saıyn bıýdjettiń basym bóligi osy maqsatqa jumsalady. Byltyr oǵan jumsalǵan qarjy bur­naǵy jylǵa qaraǵanda 3,1 mıllıard teńgege kóbeıip, 62 mıllıard teńgeni qurady. Elbasy tapsyrmasyna sáıkes balalardy erte jastan oqytý isi júzege asyrylyp keledi. Oblysta búginde mektepke deıingi 619 mekeme jumys isteıdi, onyń ishinde 183 bala-baqsha, 436 shaǵyn ortalyq bar. 

Oblysta densaýlyq saqtaý salasy da ýaqyttan qalmaı damyp keledi. О́tken jyly bul salaǵa 2,2 mlrd teńgege ozyq úlgidegi qural-jabdyqtar alyndy. Oblys­taǵy medısına mekemeleri kompıýtermen 90 pa­ıyz­­dan astamǵa jab­dyq­taldy. Alaıda medısına meke­meleriniń keń jolaqty ınternet jelisine qosylýy 28 paıyzdy qurap otyr. Ol aýyldyq jerlerdegi teh­nıkalyq múmkindikterdiń az­dy­ǵy­nan bolyp otyr. Ol úshin qosymsha quraldar satyp alýǵa 484 mıllıon teńge qajet. Bıyl oblysta taǵy da 216 den­saýlyq saqtaý nysanyn keń jolaq­ty ınternet jelisine qosý úshin jumystar júrgiziletin bolady. 

Oblystyń áleýmettik salasynda júzege asqan jumystardyń barlyǵy da óńirde damýdyń irgetasy, túp negizi bolatyn adamı kapıtaldy damytýǵa yqpal eteri sózsiz. Aktıvte Qostanaı qalasynyń ákimi Bazyl Jaqypov oblys ortalyǵyn damytý máselesi jóninde, «SSKО́B» AQ prezıdenti Bereke Muhametqalıev ken alybyndaǵy úzdik tehnologııalyq jańalyqtardy, «BKstroı» qurylys kompanııasynyń jetekshisi Igor Kım oblysta júrgizilip jatqan «Nurly jer» baǵdarlamasynyń sheńberindegi jumystardyń barysy, «Jas qanat-2006» qus fab­rı­kasynyń dırektory Qaı­rat Maıyshev óndiristegi jań­ǵyr­tý jumystary jáne Chelıabi ýnıver­sıtetiniń Qostanaı fılıalynyń oqytýshysy Álimjan Bekmaǵanbetov qoǵamdyq qatynastar jóninde aıtyp, Joldaýdaǵy on basymdyqtyń el ekonomıkasy men áleýmettik salalardy, rýhanı salany damytýdaǵy temirqazyq sekildi basty baǵyt bola beretinine jurt nazaryn aýdardy. 

Talqylaýdy qorytyndylaǵan oblys ákimi Arhımed Muhambetov ob­lysta atqarylatyn basty jumys­tarǵa toqtaldy. О́tken jyly oblys­ta Indýstrııalyq aımaqtyń irge­si qalanyp, oǵan ornalasqan ınves­torlyq kásiporyn bıyl jazda al­ǵashqy ónimin de beredi. Joldaýda aıtyl­ǵan on basymdyq boıynsha da ob­lysta jumys júretin bolady. Soǵan oraı ákim tıisti basshylarǵa ju­mys­tardy josparlap, tııanaqtaýdy tapsyrdy.

Názıra JÁRIMBET,
«Egemen Qazaqstan»

QOSTANAI