Foto: Konstantın SKORIKOV
Al «Skoda Rapid» kólikteriniń kiltteri dánekershi-jóndeýshiler Erkin Temirtekov, Nazymbek Qazenov, aǵa sheberler Erik Álı, Pavel Stoler, elektrmonter Qaıyrbek Ospanov, kran mashınısi Ekaterına Alferova, balqytýshy Grıgorıı Pomorgaılo, teplovoz mashınısi Ivan Potapov, seh basshysy Vladımır Chernov, elektrodshy Janat Kenjeǵalıevterge tabys etildi. Eýrazııalyq Top, «Qazhrom» kompanııasy jáne kásiporyn basshylyǵy 30 dan asa metallýrgterdi marapattady. Olarǵa «ERG Eńbek aıbyny» belgileri, «Eńbek danqy» medalderi, «Qazhrom» TUK» AQ Eńbek sińirgen jáne Qurmetti qyzmetkeri» ataǵy, al №6 balqytý sehynyń basshysy Mıhaıl Nıkıtenkoǵa «Qurmetti metallýrg» ataǵy berildi.
Biz BAQ ókilderi de 50-jyldyq mereıtoıy qurmetine qatystyq. Jalpy sany 900-den asa metallýrg marapattaldy. Elý jylda el jańa. Bul kúnderi óndiris ornynda 7 myńdaı adam eńbek etip júr. Jylyna 1,2 mıllıon tonna ferroqorytpa óndiredi. Búginde zaýyttan 28 peshten turatyn tórt balqytý sehy, aglomerasııalyq sehy, basqa da óndiristik bólimsheler bar.
Jergilikti ferroqorytpa Japonııa, Koreıa, Qytaı, AQSh jáne Eýropa elderine eksporttalady. Zaýyt dırektory S.Prokopevtiń aıtýynsha, qazir №6, №4 sehtarda jańǵyrtý jumystary bastalmaq. Jalpy, kásiporyn jyl saıyn alyp peshterin jańalap, jańǵyrtyp turady. Peshterde joǵary kómirtekti ferrohrom balqytylady. Jańa zamanaýı júıe-tetik qondyrǵylarmen jabdyqtalýda. Sehtar avtomattandyrý júıesine aýystyryldy. Zaýyt mamandarynyń aıtýynsha bir pesh jyldyq ónimdiligi – shamamen 50 myń tonna joǵary kómirtekti ferrohrom óndiredi. Toptyń qýatty ınvestısııalyq baǵdarlamasy barlyq fılıaldarǵa josparly jóndeýlerdi ýaqytynda jasaýǵa, jabdyqqa kezeńmen jańartý júrgizýge, ekologııalyq baǵdarlamany júzege asyrýǵa, zaýyttyqtardyń eńbek jaǵdaılaryn jaqsartýǵa, eńbek ónimdiligin jáne joǵary sapaly ónim kólemin arttyrýǵa múmkindik berýde. Zaýytta óndiristi modernızasııalaý, qaıtadan jaraqtandyrý jumystary kezeń-kezeńmen júrgizilýde. О́ndiristiń ozyq tehnologııalaryn qoldaný jáne jańǵyrtý arqyly joǵary kómirtekti ferrohrom óndirisin arttyrý bolyp esepteledi.
Farıda BYQAI,
«Egemen Qazaqstan»
Pavlodar oblysy,
Aqsý qalasy
