Olardyń sózinshe, bul – Azııa qurlyǵy dızaınerleriniń eń sándi kıimderin tamashalaý úshin kóptegen sán bilgirleriniń basyn qosatyn eń mártebeli is-shara bolmaq. «Rýhanı jańǵyrý» baǵdarlamasy aıasynda ótetin osy sán kórsetiliminde óz kıimder toptamasyn Aida KaumeNOVA, Naiyl Baikuchukov, Bibisara, Dinara Satzhan syndy qazaqstandyq dızaınerler usynady.
Dınara Sátjannyń aıtýynsha, otandyq dızaınerler osymen ekinshi ret toptasyp shetelde kórsetilimge shyǵady. О́tken jyldyń qazan aıynda dızaınerler Mercedes-Benz Fashion Week Russia aıasynda Reseıdiń tórinde óz jumystaryn tabysty túrde kórsetken bolatyn.
Aıda Qaýmenova qazaqstandyq dızaınerler sán arqyly ulttyq kodty jetkize alatynyn alǵa tartty.
«Bul – óz elin ózge memleketterde laıyqty túrde tanystyra alatyn dızaınerlerdiń jeke bastamasy bolyp otyr», dedi ol.
Naıl Baıkýchýkov bolsa Parıj saxnasynda úlken áser týǵyzatyndyǵyna senimdi. О́ıtkeni árbir dızaıner kórsetilimge arnaıy toptama ázirleýde. Máselen, Aıda Qaýmenova Parıjdegi kórsetilimde Sán úıiniń dızaınerleri arnaıy ázirlegen eksklıýzıvti avtorlyq órnegi bar barqyt toptamasyn usynady. Toptamanyń negizgi buıymy – qazaqtyń ejelgi ulttyq kıimi shapan-syrmaq bolmaq. Al Naıl Baıkýchýkov Parıjde lıýnevıl kesteli toptamasyn daıyndaıdy. Bul ertegi álemindegideı áser qaldyratyn tıýl men shıfonnan tigilgen kóılekter. Olardyń sózinshe sán kórsetilimine barlyǵy 80 dızaıner qatysady.
Raýan QAIDAR,
«Egemen Qazaqstan»
