Forýmǵa Bilim jáne ǵylym mınıstrligi ókilderi, Akademııa músheleri – qazaqstandyq jas patrıottar, beıbit kúnniń batyrlary atanǵan mektep oqýshylary, patrıottyq tárbıe boıynsha «Men – óz elimniń azamatymyn!» atty Respýblıkalyq baıqaýdyń jeńimpazdary, Qazaqstan Respýblıkasy Parlamentiniń depýtattary, qoǵam qaıratkerleri, delegasııa jetekshileri, «Rýhanı jańǵyrý» baǵdarlamasynyń aımaqtardaǵy menedjerleri qatysady.
Uıymdastyrýshylardyń sózinshe sharanyń ashylý saltanatynan soń «Patrıottyq tárbıe: Rýhanı jańarý aıasynda. Qazaqstandyq jas patrıottar Akademııasynyń keleshektegi jumys jospary» taqyrybyndaǵy baspasóz konferensııasy bolady.
«Sońǵy eki jyl ishinde «Baldáýren» Respýblıkalyq oqý-saýyqtyrý ortalyǵynda mektep oqýshylaryna tıimdi patrıottyq tárbıe berýde qazaqstandyq jas patrıottar Akademııasynyń jumysyn uıymdastyrýda maqsatty baǵyttalǵan jumystar atqarylýda. Osy ýaqyt aralyǵynda 1500 oqýshy Akademııanyń músheligine qabyldandy», - dedi Bilim jáne ǵylym mınıstrliginiń Mektepke deıingi jáne orta bilim berý departamenti dırektorynyń orynbasary Zeınep Maqsutova.
Respýblıkalyq patrıottar Forýmy aıasynda plenaralyq otyrystar, «Maǵynalar alańy» urpaqtar jalǵastyǵynyń ashyq suhbaty, patrıottyq tárbıe boıynsha «Innovasııalyq oılar bankin» qurý, «Baqytty bolyp júrgenim – seniń arqań, Uly Otan!» atty toptyq jumys túrleri, «Qazaqstan halqynyń ulttyq oıyndary» sporttyq trenajer, «Bizdiń kúshimiz – birlikte!» mýzykalyq bı baǵdarlamasy sııaqty jáne taǵy da basqa is-sharalar uıymdastyrylady.
Raýan QAIDAR,
«Egemen Qazaqstan».
