Mundaı teris demografııalyq kórinistiń aldyn alý máseleleri qoǵamdaǵy jurtshylyqty oılandyrýǵa tıis. Aıtalyq ótken jyly Aqtóbe oblysynda 7000-ǵa jýyq jup otbasyn qursa, sonyń 2600-den astamy ajyrasyp úlgergen. Sóz joq, bul – óte alańdatarlyq másele.
– Erli-zaıyptylar ózara kelisim men ortaq túsinistikke kele almaı, eki jaqqa ketkende eń aldymen balalar japa shegedi. Bul jaıt óz kezeginde otbasy problemalary men túıinderin bir júıe men izge keltirýge septigin tıgize alatyn arnaýly ortalyqtyń qajet ekenin kórsetedi. Sondyqtan da bıyl óńirde «Otbasy akademııasy» jobasy júzege asýda. Onyń qyzmetine birinshi kezekte psıholog mamandar men medıatorlardy meılinshe kóbirek tartý kózdelgen, – dedi Aqtóbe oblysy ákiminiń orynbasary Erbol Nurǵalıev.
Onyń málimdeýinshe, oǵan túrli túsinbeýshilikter men keleńsiz jaǵdaıdarǵa tap bolǵan erli-zaıyptylar ǵana emes, úılenýdi nemese turmys qurýdy oılastyryp júrgen bolashaq shańyraq ıeleri de tartylmaq. Bolashaq ata-analar mektebi de atalǵan «Otbasylyq akademııasy» jobasy aıasynda jumys istemek.
Temir QUSAIYN,
«Egemen Qazaqstan»
AQTО́BE
