Jaǵdaıyn aıtyp, aýdandyq ákimdikke barǵanmen, shyǵarypsalma jaýaptan mezi bolyp, taýy shaǵylǵan sııaqty. Kámeletke tolmaǵan úsh balany asyrap otyrǵan jalǵyzilikti ákeni qatty qınap turǵany – baspananyń qazirgi jaıy. Eski úıdi áldekimnen qolhat arqyly satyp alypty. Endi apatty dep tanylǵan baspananyń qujattary bolmaǵandyqtan kezekke tura almaı ábden áýre-sarsańǵa túsip júr. Tıisti qujattardy ákelse kezekke esh kedergisiz qoıylady. Jalǵyzilikti áke retinde tanylmaǵan. Burynǵy áıeli analyq quqynan aıyrylmaǵan. Sondyqtan zańdy buzýǵa esh qaqymyz joq, deıdi turǵyn úı-kommýnaldyq sharýashylyq bóliminiń mamandary.
Kúni boıy aýyr jumys atqaryp, keshke qaraı súrinip jetetin Jaqsylyqtyń 25 myń teńge aılyǵy shaılyqtan da artylmaıdy. Jalaqysy qomaqtylaý jumysqa aýysaıyn dese balalaryna alańdaıdy. Ul-qyzdarym mektepte oqıdy. Áleýmettik jaǵdaıymyz óte qıyndap ketkennen keıin qaıyrymdy jandardan kómek suraǵanym ras, deıdi ol sharasyzdyqtan jany syzdap.
Osydan tórt jyl buryn shıetteı balalaryn tastap, ózge erkektiń jeteginde kete barǵan kókek ananyń alıment bereshegi 1 mıllıon teńgeden asyp ketipti. Biraq sot sheshiminiń jýyq arada oryndalatyn túri baıqalmaıdy. Oǵan áli kúnge deıin zańdy túrde ajyraspaýy bóget bolyp otyrǵan tárizdi. Tipti balalarǵa memleketten tıesili járdemaqy da belgilenbegen. Másele taǵy da qujattyq qaǵazdarǵa kelip tireledi.
О́mir ESQALI,
«Egemen Qazaqstan»
Soltústik Qazaqstan oblysy,
M.Jumabaev aýdany
