Sonyń biri Saryaǵash aýdany Jylǵa aýyldyq okrýgindegi kún elektrstansasy. Saryaǵashta quny 14 mlrd teńgeni quraıtyn bul jobany qolǵa alǵan «EcoProTech-Astana» JShS-i saǵatyna 20 mVt elektr qýatyn óndirýdi kózdeıdi. Búginde qurylys jumystarynyń jalpy jer aýmaǵy 41 gektar aýmaqty alyp jatyr. Ctansııanyń qurylys jumystary otandyq ınvestordyń qarjysy esebinen júrgizilýde. Bul óndirgen elektr qýatynyń basym bóligin temirjol salasyna baǵyttaıtyn alǵashqy stansa bolǵaly tur.
«Bul jasyl ekonomıkany damytýǵa baǵyttalǵan mańyzdy qadam. Kúrdeli jobanyń qurylysyn «DAY ENERGY GmbH» kompanııasy júrgizýge kiristi. Sapaly elektr qýatyn óndirýge arnalǵan stansa negizinen nemis eliniń tájirıbelerin qoldanady», - dedi «EcoProTech-Astana» JShS-niń dırektory Nazırjon Temırov.
Budan bólek, oblysta Tólebı aýdanynda qýaty 2,5 MVt bolatyn «Keńes» shaǵyn sý elektr stansasy salynady. Sondaı-aq, Jetisaı qalasynda 10,7 ga aýmaqqa qýaty 4,8 MVt bolatyn kún elektr stansasynyń qurylysy júrgizilmek. Al, Báıdibek aýdanynda qýaty 40 MVt jáne Otyrar aýdanynda jalpy qýaty 135 MVt kún elektr stansalary boı kóteredi.
Aıta keteıik, oblysta qazirdiń ózinde jalpy qýaty 10,22 MVt-ty quraıtyn 10 jańartylatyn energııa kózderiniń nysany bar. Onyń 4-i kún elektr stansasy, 5-i shaǵyn sý elektr stansasy jáne 1-i bıogaz qondyrǵysy. Osynyń esebinen oblysty jańartylatyn energııa kózderimen qamtý deńgeıi 2017 jyly 2,7 paıyz bolsa, 2018 jyly bul kórsetkishti 3,1 paıyzǵa jetkizý kózdelýde.
