Qutqarý-izdestirý jumystaryn júrgizý ýaqytynda adasqandarmen uıaly telefon arqyly baılanys jasaýǵa múmkindik boldy. Alaıda qalyń tuman izdestirý sharalaryna aıtarlyqtaı kedergi keltirdi. Eki saǵat júrgizgen jumystan keıin «Áýlıekól-Jaldama» tas jolynyń 5-shi shaqyrymynda qutqarýshylar belgi retinde adasqandardyń nazaryn aýdarý úshin daladan sabannyń úıindisin taýyp, ot jaǵady.
Alystan janǵan ot jalynyn baıqaǵan 1972 jylǵy er adam men 1971 jyly týǵan áıel jaryqqa qaraı júrdi. Kóp uzamaı qutqarýshylar kólikterin tastap, jarty metrlik oppy qarmen jobalaı otyra adasqan adamdar jaqqa júredi. Joǵalǵandardyń uıaly telefonymen baılanysta bolyp, qutqarýshylar oqıǵany alys qashyqtyqtan basqara aldy.
Túngi saǵat 02 saǵat 40 mınýtta qutqarýshylar er azamatty, onyń izimen keri júre otyryp, saǵat 03.00 shamasynda álsiregen áıeldi tapty. Qutqarýshylarǵa kómekke Áýlıekól aýdanynyń №15 órt sóndirý bóliminiń qyzmetkerleri kelip jetti. Olar zardap shekkenderdi jylytyp, GAZ-66 avtokóligimen aýdandyq aýrýhanaǵa jetkizdi. Dárigerler adasqandardyń ekeýiniń de aıaq-qoldary men betin orta deńgeıde úsik shalǵanyn anyqtady.
Názıra JÁRIMBET
«Egemen Qazaqstan»
Qostanaı
