Aǵymdaǵy jyldyń aqpan aıynda ǵylymı jumystardy qarjylandyrý baıqaýynyń nátıjelerin jarııalaǵan soń birqatar ǵalymdar daýly saýaldaryna jaýap qaıyrýdy ótinip Ulttyq ǵylymı keńesterge, QR BǴM, Ǵylym komıtetine, basqa da memlekettik organdarǵa jáne BAQ-na shyqqan edi. Olarǵa sáıkesinshe túsiniktemeler berilgen bolatyn.
Osyǵan qatysty yvision.kz ınternet-resýrsynda memlekettik organnyń qyzmetinde sybaılas jemqorlyq júıesi quryldy dep aıyp taǵý sıpatyndaǵy jala jabý jarııalanymdary shyqty. Bul jalǵan aqparattyń barlyǵy feıktik nık arqyly jarııalandy. Sonymen qatar Ǵylym komıtetine buqarada taratylyp jatqan Elbasyna úndeýde qoıylǵan qoldar jalǵan ekeni týraly ǵalymdardyń shaǵymy kelip tústi.
Jalǵan aqparattyń taraýyna baılanysty, is júzindegi zańnamaǵa saı biz quqyq qorǵaý organdaryna Qazaqstan Respýblıkasynyń atalmysh zańynyń buzylýyna qatysty tekseris júrgizip, sharalar qoldaný týrasynda aryz berýge májbúr boldyq.
Bizdiń málimetter boıynsha polısııa feıktik esimdermen jalǵan aqparatty qasaqana taratqan adamdardy izdestirip jatyr. Daýly saýaldarymen ashyq túrde ortaǵa shyqqan ǵalymdarǵa bizdiń esh narazylyǵymyz joq. Sondyqtan ǵalymdarǵa ýaıymdaıtyn esh sebep joq - Ǵylym komıteti ashyq, biraq bir mezgilde syndarly pikirtalas ótkizýge daıyn, mundaı ózara pikir almasýlar sońǵy kezde jıi ótip turdy, onyń ishinde BAQ-da da.
Bul jaǵdaıda kópshilikti ózderin durys ustap, oıdan shyǵarylǵan aqparatty jeliler men BAQ-da taratpaýdy, tek shyndyqqa janasatyn tujyrymdamalardy tańdaýlaryńyzdy ótinemiz.
