Allabergen Qonarbaev: Úmit syılaǵan bastamadan nátıje kútiledi

О́ıtkeni bes bastama – eldiń erteńi úshin jumys isteıtin jastardyń baǵyn ashatyn dúnıe bolmaq. Onda qazirgi qazaqstandyq kez kelgen jastyń bas aýrýyna aınalǵan baspana máselesi oryndy kóterildi. Elbasy Úndeýinde árbir qazaqstandyq turǵynnyń bas­panaǵa qol jetkizýi basty orynda dep shegelep aıtty. Ipo­te­kalyq nesıeniń  paıyzdyq mól­sheri 7 paıyzdan aspaýy kerek já­ne alǵashqy jarna 20 paıyzdy  qu­raıdy  degen bolatyn. Bul másele qazirgi tańdaǵy eń ózekti  dúnıe.

Zamandastarym qalalyq jerge baryp jumys jasaǵysy keledi. Biraq  ókinishke qaraı, olar qalada  ómir súrý úshin aılyǵy 200 myń teńgedeı bolýy qajet. Al ondaı aılyq bıýdjettik jáne memlekettik qyzmetker úshin arman.  Qazirgi tańda joǵary bilimdi jastyń ortasha jalaqysy 60-70  myń teńgeni quraıdy. Bul degenińiz kúndelikti turmystyq qajettilikke ǵana jetedi. Al qalalyq jerlerde jaldamaly páterlerdiń aılyq aqysy 60-80 myń teńgeni quraıdy. Bul – jas otbasylar úshin úlken másele. Mine, osy túıtkilge oraı Prezıdent N.Nazarbaev baspana máselesin sheshýdi myqtap qolǵa alyp, Úkimetke tapsyrma berdi. Munyń ózi jastar úshin mańyzy tereń degim keledi. Ipotekalyq nesıe 7 paıyzdy qurasa – jastar men el turǵyndaryna baspanaǵa qol jetkizý jeńildeıdi.

Bastamanyń ishinde taǵy bir kúrmeýi qıyn  másele – joǵary bilimniń qoljetimdiligi men  stýdenttik jataqhanalardyń búgingi jaıy. Elbasy keler jyldary  oqý  granttaryn taǵy da eki esege jýyq kóbeıtý  kerektigin qaperge saldy. Munyń ózi taǵy da 20 myńǵa jýyq oqý granttary jastarǵa beriledi degen sóz.  Sonda elimizde tegin bilim alýshylar sany artady. Sondaı-aq el erteńiniń kirpishi bolyp qalanatyn jastar úshin eń kerekti jataqhana  máselesi jýyq arada kún tártibinen túsetini anyq. Bir ǵana Aqtaý qalasynyń ózinde  70 myńnan astam stýdent bar.
Aq­taý qalasynda stýdentterdiń 4 jataqhanasy ǵana jumys jasaı­dy. Bul 70 myńǵa óte azdyq ete­tin dúnıe. Ol jataqhanada 300-ge jeter-jetpes stýdent bar, al qalǵan 95 paıyz stýdent páter jaldap kún keshýde. Osy­naý talaı stýdenttiń bolasha­ǵyna úmit otyn mazdatqan Elbasy Úndeýin aýyl jastary biraýyz­dan qoldaıdy. Elbasy Úndeýin­de 75 myń orynǵa shaqtalǵan ja­taq­hanalar salynatyny aıtyldy. Bul bilimdi jastardyń erteńge degen senimin arttyrdy.

«Jastar – eldiń erteńi» de­mekshi,  búgingi stýdenttiń ómir súrý formýlasyn Elbasy óziniń Ún­deýi arqyly sheship berdi. Tálimgerlerge bu­dan artyq baqyt joq dep bilemin. Al turǵyn úı máselesinde Prezıdenttiń júıeli jospary men túıindi máselelerdi tarqatýdaǵy naqty sheshimi jas­tar úshin tyń bastama boldy deý­ge bolady. Munyń ózi erteńgi kún­ge degen zor senim men ystyq yqy­lastyń erekshe sıpat alýyna sep bolady.

Allabergen QONARBAEV,
«Mańǵystaý aýdandyq jastar resýrstyq ortalyǵy» KMM dırektory

Mańǵystaý oblysy