Halyqtyń turǵyn úı jaǵdaıyn jaqsartý maqsatynda, táýelsizdik jyldarynda elimizde kóptegen baǵdarlamalar qabyldandy. Sonyń ishinde «Qoljetimdi baspana-2020» baǵdarlamasy aıasynda memlekettik qyzmetkerler, bıýdjet salasynyń mamandary az qamtylǵan jáne jas otbasylar, bir sózben aıtqanda, túrli kategorııadaǵy azamattar turǵyn úıge jeńildiktermen qol jetkizgen bolatyn. Qazirgi kezde «Nurly jer» baǵdarlamasy halyq arasynda úlken tanymaldylyqqa ıe boldy. Sebebi «Nurly jer» aıasynda turǵyndarǵa pátermen birge, jeke turǵyn úı alý múmkindigi de berilip otyr. Úndeýde keltirilgen derekterde ótken jyly ǵana elimizde 11,2 mıllıon sharshy metr turǵyn úıdiń paıdalanýǵa berilgeni aıtylady. Rasymen de, bul – rekordtyq kórsetkish.
Dese de, turǵyn úı kezeginde turǵan azamattar sanynyń jyl sanap kóbeıýi, máseleniń áli de bolsa sheshimin tappaı otyrǵanyn kórsetedi. Bul rette Elbasy Nursultan Nazarbaevtyń «7 – 20 – 25» baǵdarlamasyn usynýy tyń bastama der edim. Bul elimizdiń shyn mánindegi áleýmettik memleketke aınalǵanyn kórsetedi. Prezıdent óz usynysynda nesıe ósiminiń mólsherlemesin qazirgideı 14-16 emes, jylyna 7 paıyzdan asyrmaýdy jáne bastapqy jarna qunynyń 20 paıyzdan aspaýyn tapsyryp otyr. Bul qarapaıym azamattar úshin óte tıimdi qadam. Bizdiń azamattarymyzda aqsha jınaý mádenıeti qalyptasýda. Demek, baspanaǵa jol jeńilirek bolady.
Nurbol QURMAN,
Qazaqstannyń «Turǵyn úı qurylys jınaq banki» AQ Atyraý oblystyq fılıalynyń dırektory
