Qazirgi ýaqytta jergilikti jáne atqarý organdary qyzmetkerleri, kommýnaldyq qyzmetter jáne órt sóndirýshi-qutqarýshylar Progress, Glýbokoe, Tarhanka, Beloýsovka aýyldarynda sýdan tazartý jumystaryn júrgizip jatyr. «О́skemende 17 adam óz úıine oraldy, 23 adam áli de «Úlbi»áleýmettik kómek kórsetý ortalyǵynda qaldy. Taǵy 5 adam N. Krýpskaıa atyndaǵy ınternatqa jaıǵastyryldy. Keı turǵyndar týystarynyń úıinde ýaqytsha turyp jatyr», - delingen Komıtet habarlamasynda.
Sýbasqan aımaqqa kómek kórsetý úshin búgin túnde Pavlodar oblysynan qutqarýshylar toby keldi. Apat saldaryn joıý jumystary kúndiz-túni júrgizilip jatyr. Jeke quram men qutqarýshylar toby sý arnasyn burýǵa jumyldyryldy. Bir táýlikte shamamen 12 myń tekshe metr sý shyǵaryldy, ınertti materıaly bar shamamen 6 myń qapshyq tóseldi.
«О́skemen-Semeı» tas jolynyń 29 shaqyrymyndaǵy jol ashyldy. Jol jabynyn sý basý qaýpi seıildi. Qaýipti aımaqtardy baqylaý táýlik boıy júrgizilýde. О́z kezeginde, qutqarýshylar azamattardy baıbalam salmaýǵa, messendjer arqyly tarap jatqan arandatýshylyq habarlamalarǵa senbeýge shaqyrady. Sý deńgeıiniń kóterilgeni baıqalsa, «112» jáne «138» telefondaryna habarlasqan jón. Qutqarý qyzmeti kelgenshe qujattardy, qajet zattardy jáne azyq-túlik qoryn alý qajet. Qazirgi ýaqytta 49 úı men júzden astam aýlany sý basqan. Qutqarý jáne órt sóndirý bólimsheleriniń negizgi kúshteri men quraldary oblys ortalyǵy men Glýbokoe aýylyna baǵyttalyp otyr. Progress aýylynda sý tasqyny saldarynan 50-den astam adam kóshirildi. Adamdardyń bir bóligi aýyl mektebine, keı turǵyndar - týystaryna ornalasqan. 10 iri qara mal jáne 20 usaq múıizdi qaýipsiz jerge jetkizildi.
