«Muzdyń erte sógilýine baılanysty Úlbi ózeninde muz kepteldi. Azamattyq qorǵanys qyzmetiniń barlyq kúshteri men quralday kúsheıtilgen rejımde jumys istep jatyr. Qazirgi tańda halyqqa habarlandyrý berilip jatyr. Adamdarǵa sý tasqyny bolǵan jaǵdaıda ne isteý kerektigi, qaıda evakýasııalanatyndary týraly eskertilýde», - delingen habarlamada.
Aıta ketsek, qutarýshylar jergilikti atqarýshy organdarmen birlesip Úlbiniń osal ýchaskelerinde birneshe ret profılaktıkalyq jarylys jasaǵan edi. Alaıda, muzdyń jappaı erýi men sógilýi sý tasqyny qaýpine ákelip soqtyrýda. Buǵan deıin, Glýbokoe aýdanynda jergilikti aýqymda tabıǵı sıpattaǵy tótenshe jaǵdaı jarııalandy. Sondaı-aq, ShQO-nyń taǵy eki aýdanynda tótenshe jaǵdaı jarııalanýy múmkin ekendigi eskertilgen bolatyn.
