Ansambl jetekshisi Sháken Kópshikbaeva baýyrlas memlekette uıymdastyrylatyn baıqaý erejesimen ǵalamtor arqyly tanysyp, aýdıo jáne vıdeo materıaldaryn joldap, irikteýden irkilmeı ótkenderin aıtady.
«Bizge Iran Islam Respýblıkasynyń elimizdegi elshisiniń qoly qoıylǵan shaqyrtý keldi. Tarbaǵataı aýdanynyń ákimi Dildábek Orazbaev óner saparymen ózge elge baryp-qaıtýymyzǵa zor qoldaý kórsetip otyr. Qazaqstan aýmaǵyndaǵy shyǵyndardy ózimiz japsaq, Tegerandaǵy shyǵyndy Iran tarapy kóteretin bolady. Tegeranda birneshe konsert beremiz», deıdi ol.
Búginde umytylyp bara jatqan kóne aspaptarymyzdy qaıta túletý maqsatynda 2014 jyly Aqsýat mádenıet úıiniń janynan qurylǵan top ırandyqtarǵa arnaıy repertýar ázirlepti. Ansambldiń beldi ánshisi Elaman Qujymanov Tegeran tórinde Qaztýǵan jyraýdyń «Alań da alań, alań jurt» tolǵaýy men Almas Aqatulynyń «Dombyrasyn» áýeletse, kúıshiler Nurǵısa Tilendıevtiń «Aqqý», Dáýletkereıdiń «Kóruǵly», halyqtyń «Bulǵyn-sýsar» kúılerin kúmbirletpek.
Azamat QASYM,
«Egemen Qazaqstan»
Shyǵys Qazaqstan oblysy,
Tarbaǵataı aýdany,
Aqsýat aýyly
