Turǵyn úıler tozyp tur

Jóndeý barysynda úılerdiń shatyrlary, qasbetteri, jertóleleri, jylý júıeleri, lıft sharýa­shy­lyqtary qalpyna keltiril­di. Memlekettik qoldaýdyń ar­qasynda qala turǵyndaryna ondaǵan jyldar boıy jınalyp, qolaısyzdyqtar týyn­datqan birqatar másele sheshildi. Aıta keterlik jaıt, jóndeýden ótkizilgen úılerdiń shyǵyn qarajaty tolyq kólemde turǵyndardan qaıtaryldy.

2013 jyly atalǵan Baǵ­dar­lamanyń toqtatylýy sebebi­nen eski úılerdiń tehnıkalyq kúıin jaqsartýǵa baǵyttalǵan josparly jumysty jalǵas­tyrýǵa múmkindik bolmady. Qala úıleriniń birshama bóligi sonaý Keńes ókimeti zama­nyn­da boı kótergen, qazir­gi tańda keıbir ǵımarat­tar­dyń salynǵanyna 50 jyldan asty. Qaladaǵy 250-den astam kóp qa­bat­ty ǵımarat, ıaǵnı barlyq kóp qa­batty turǵyn úıdiń 25%-y jed­el kúrdeli jóndeý ju­­mys­­taryn talap etedi. Bir ǵana osyn­daı ǵımaratty jón­deýden ótkizý úshin keminde 25 mln teńge qarajat qajet. Eli­miz boıynsha jalaqysy eń tómen deńgeıdegi Petropavl tur­ǵyndary úshin bul qomaqty qarajat. Páter ıeleriniń qys­qa merzimde atalǵan somany jı­naýǵa múmkinshiligi joq, alaı­da olardy Baǵdarlama shart­tary tolyǵymen qana­ǵat­tandyryp otyr.

Petropavl turǵyndary saı­laý­shylarymen kezekti kez­desýler barysynda osy­ǵan qatysty problema­lar: qulap jat­qan shatyrlar, isten shyq­qan lıftiler, jón­deýdi qajet etetin kire­be­ris­ter men jer­tóleler máse­leleri jıi qoz­ǵalady. Baǵ­dar­lama olar­dyń kópshiligi úshin ómir súrý jaǵdaıyn oń­taı­landyrýd­yń negizgi tetigi bolyp otyr. Se­bebi jylý júıesi jáne sýmen jab­dyqtaý júıesi apattyq jaǵdaıda turǵan, tóbesinen sý aqqan jáne lıftileri is­ten shyqqan úılerdiń kóp pá­ter­­lerinde naýqas qarttar men ba­lalar ómir súrip jatyr.

Sondyqtan halyqtyń ne­gizgi qajettilikterin tolyq qa­­­na­­ǵ­­attandyrýǵa jaǵdaı jasa­maı otyryp, qalanyń odan ári damýy, ınnovasııalardyń tara­­­lýy jáne «aqyldy» tehno­lo­­gııa­­lardy engizý týraly sóz qoz­ǵaý aqylǵa syımaıdy. Qa­la tur­ǵyndarynyń kóp­shi­­ligi úshin úıleriniń tozýy – ózek­ti má­selege aınalǵan. Olar Baǵdar­lamanyń qaıtadan jal­ǵasyn tabatyndyǵyna úmit­­tenýde jáne ómir súrý jaǵ­­daı­­laryn jaqsartý múmkin­di­gin kútýde.

Osy máselege baılanysty, biz Premer-Mınıstr Baqyt­jan Saǵyntaevtyń atyna d­e­pýtattyq saýal joldap, Tur­ǵyn úı-kommýnaldyq sharýa­shylyǵyn jańǵyrtý baǵdar­lamasyn qaıta jandandyrý jáne Petropavl qalasynyń tur­ǵyn úılerin jóndeýge res­pýb­lıkalyq bıýdjetten tıis­ti qarajat bólý máselesin qaras­tyrýdy suradyq.

Erik SULTANOV,

Senat depýtaty