Kúshtik qurylymdardy qoldaýdy suraıdy

Onda sena­tor Premer-Mınıstr Ba­qyt­­jan Sa­ǵyn­taevtyń atyna saýal jol­dap, Qarýly Kúsh­ter­di jáne Qazaqstan Res­pýb­lık­asy­nyń basqa da áskerı jasaq­ta­ryn jab­dyq­taýdyń biryńǵaı úr­­di­sin daıarlaý kerektigin atap ótken.

Zańnamalyq turǵydan al­ǵan­da osy salada sońǵy jyl­­­dary kóp másele óz sheshi­min tapty. Sonyń ishinde áske­rı azyq normasynyń jalpy mólsheri belgilendi jáne ke­les­i jyldan bastap jańa qa­byl­danǵan zańmen arnaýly baspanalyq tólem tetikteri arqyly barlyq áskerı qyz­metkerlerdi turǵyn úımen qamtýdyń jańa modeli en­giziledi. Alaıda Ulttyq Ulan, Shekaralyq qyzmet, Aza­­mat­tyq qorǵaý qyzmetteri bas­qa memlekettik organdardyń qura­mynda bolǵandyqtan, Qarý­ly Kúshterdiń qarjylyq jú­ıe­sinen tys qalyp otyr. Sol sebepti olardyń suranys­ta­ryna turaqty túrde qarjy­nyń jetispeýi týyndap otyr. Osyǵan oraı qoǵamdyq tártip­ti kúsheıtý, ulttyq qaýipsiz­dikti qamtamasyz etý, terror­­lyq aktilerdiń aldyn alýdy anyqtaý jáne boldyrmaý ju­mysyn tıimdi damytý maq­satynda Úkimetke kelesi sharalardy iske asyrý usynylǵan:

1. Bıýdjettik kodekske Ult­tyq Ulan, Shekaralyq qyz­­­met, Azamattyq qorǵaý qyz­­met­­terin qarjylan­dyrýdyń derbes shyǵyn lımıtin qa­ras­tyratyn ózgerister men to­l­yq­tyrýlar engizý;

2. Qarýly Kúshterdi jáne Qazaqstan Respýblıkasynyń basqa áskerı jasaqtaryn qar­jylandyrý memlekettiń ishki jalpy óniminiń 1 paıyzynan kem bolmaýyn zańnamalyq deńgeıde mindetteý.

Osy saýalǵa Premer-Mı­nıstr­diń atynan kelgen ja­ýapta bylaı delingen:

1. Qoldanystaǵy zańnamaǵa sáıkes Shekara qyzmeti Ulttyq qaýipsizdik komıtetiniń vedomstvosy, Ulttyq Ulan jáne Aza­mattyq qorǵaý organdary Qazaqstan Respýblıkasy Ishki ister mınıstrliginiń vedomstvolary bolyp tabylady.

Bıýdjet kodeksiniń 31-ba­by­nyń 3 jáne 4-tarmaq­taryna sáıkes ortalyq atqarýshy jáne ózge de ortalyq memlekettik organdar respýblıkalyq bıýd­jet­tik baǵdarlamalardyń ákim­shileri bolyp tabylady. Memlekettik organdardyń qurylymdyq jáne aýmaqtyq bólimsheleri bıýdjettik baǵ­dar­lamalardyń ákimshileri bola almaıdy. Sondyqtan She­kara qyzmeti, Ulttyq Ulan jáne Azamattyq qorǵaý qyz­met­teri úshin jeke shyǵys lı­mıtin aıqyndaý Qazaqstan Res­pýb­lıkasynyń zańdary­men aı­qyn­dalǵan barlyq ult­tyq qaýipsizdik túrleri ara­syndaǵy kelisilgen is-qı­myl qaǵıdattaryn, sondaı-aq elde qalyptasqan ulttyq qaýip­sizdik organdarynyń bir­yńǵaı júıesi men ishki ister organdary biryńǵaı júıesin buzýǵa ákelip soǵady.

 2. Qazaqstan Respýblıkasy Prezıdentiniń 2017 jylǵy 29 qyrkúıektegi №554 Jar­lyǵymen be­ki­ti­l­gen Qazaqstan Res­pýb­­lı­kasynyń Áskerı dokt­rı­nasynyń 47 jáne 76-tar­­maqtaryna sáıkes Qazaq­stan Respýblıkasynyń áskerı-ekonomıkalyq sala­daǵy áske­rı qaýipsizdigin qam­tamasyz etý maqsaty memle­ket­tiń áskerı uıymynyń qar­jy­­lyq, mat­erıaldyq-tehnıka­lyq já­ne basqa da resýrstarǵa qajettilikterin beıbit jáne soǵys ýaqytynda jumys is­teý jáne odan ári damytý úshin jetkilikti kólemde qana­ǵat­­tan­dyrý bolyp tabylady. So­ny­men qatar áskerı dokt­rı­nanyń erejelerin iske asyrýǵa bólinetin bıýdjet qarajaty sheginde, Memlekettik jospar­laý júıesiniń qujattary sheń­berinde júzege asyrylady. Osyǵan oraı Qarýly Kúshterdiń jáne basqa da áskerler men áskerı qura­lymdardyń shyǵys­taryn jal­py ishki ónimge baı­lanys­tyra otyryp, zańna­ma­lyq túrde belgileýdi orynsyz dep esepteımiz, sebebi bıýd­­jet shyǵystary birqa­tar fak­tor­larǵa, onyń ishinde mem­lekettiń makroekono­mıka­lyq turaqtylyǵyna da baılanys­ty bolady» .

Alaıda bul jaýapqa senator N.Nursıpatov jáne ol qyzmet isteıtin Halyq­ara­lyq qatynastar, qorǵa­nys jáne qaýipsizdik komıte­tini­ń bir top músheleri qanaǵat­tan­baı­tyn­dyqtaryn aıtyp, osy aıdyń basynda jańa saýal joldady. Onda bylaı delingen:

Siz­diń jaýabyńyz, óki­nishke qaraı, Komıtet múshe­lerin qana­ǵat­tandyrǵan joq, sebebi onda osy másele­ler­diń qazirgi ýaqyt­taǵy jaǵ­daıy ǵana atap ótilgen.

Siz Komıtet músheleriniń Shekara qyzmeti, Ulttyq Ulan jáne Azamattyq qorǵaý qyz­metteri úshin jeke shyǵys lı­mı­tin aıqyndaý týraly us­ynysy elde qalyptasqan ult­t­yq qaýipsizdik jáne ishki ister organdarynyń biryńǵaı júıe­sin buzýǵa ákelip soǵady dep tujyrymdaısyz.

Sondaı-aq Qarýly Kúshter­diń jáne basqa da áskerler men áskerı quralymdardyń shyǵystaryn jalpy ishki ónimge baılanystyra otyryp, zańnamalyq túrde belgileýdi orynsyz dep esepteısiz. De­gen­men de bul máseleler óz sheshimin tabýy qajet. Osy saýalǵa jaýap berýińizdi suraı­myz». Depýtattyq saýalǵa senator N.Nursıpatovtan basqa komıtet tóraǵasy D.Nazarbaeva, músheleri D.Káletaev, S.Jaq­sybekov jáne t.b. qol qoıǵan.

Daıyndaǵan Jaqsybaı SAMRAT,

«Egemen Qazaqstan»