Sońǵy 8 jyldan beri Eýropada robottandyrylǵan operasııa jasaýmen shuǵyldanyp kele jatqan bilikti maman Qazaqstanda alǵash jasalǵan operasııadan soń jýrnalısterge bergen suhbatynda operasııanyń sátti ótkenin aıtty. «Mundaı operasııany júrgizý úshin dárigerler men asssıstenter bilikti bolýy kerek. Búgin operasııaǵa qatysqan qazaqstandyq áriptesterime, medısınalyq qyzmetkerlerge erekshe alǵysymdy bildiremin. Emhanadaǵy operasııalyq zaldardyń qolaılylyǵyn da atap ótkim keledi», - dedi shet eldik dáriger.
Operasııaǵa Italııadan kelgen dárigermen birge óskemendik dárigerler de qatysty. Sonyń biri – О́skemendegi №1 qalalyq aýrýhananyń hırýrgy Nartaı Turahanov. «Búgingi kún biz úshin tarıhı kún, erekshe kún. Mundaı operasııa Qazaqstanda ǵana emes, TMD elderi ishinde О́skemende alǵash ret jasaldy deýge bolady. Men bul operasııaǵa asssıstent retinde qatystym. Operasııa sátti ótken sekildi. Byltyr О́skemenniń tórt dárigeri Eýropaǵa baryp, robbotandyrylǵan operaksııa jasaýdyń qyr-syryn meńgerip qaıttyq, Germanııada, Italııada boldyq. Robot kómegimen jasalatyn operasııalardy kózimizben kórip qana qoımaı ózimiz de operasııa jasaýǵa qatystyq» degen ol endi osyndaǵy ortalyqta mundaı operasııany ózderi de jasaı alatynyn jetkizdi.
«Shyǵys Qazaqstannyń dárigerlerimen birge ózim de Italııaǵa baryp, robottandyrylǵan hırýrgııany oqyp keldim. Biz barǵan klınıkada bir jylda 150 ota jasalǵan eken. Zamanaýı tehnologııanyń Shyǵystaǵy emhanalarǵa engizilip jatqanyna qýanyshtymyn», - deıdi Almaty qalasyndaǵy Ulttyq hırýrgııa ǵylymı ortalyǵynyń asqazan, óńesh jáne ishek joldary bóliminiń meńgerýshisi Ádil Adaıuly.
Oblystyq densaýlyq saqtaý basqarmasynyń basshysy Marat Shoranovtyń aıtýynsha, robot kómegimen jasalatyn operasııa dáldigimen, pasıentke qaýipsiz ári jaraqattanýdan saqtaıtyndyǵymen erekshelenedi.Oblys ákimi Danıal Ahmetov óńir dárigerlerin shet elde oqytý jumystary jalǵasyn tabatynyn, bıyl taǵy da eki dáriger shet elge baryp oqıtynyn tilge tıek etti.
Azamat QASYM,
«Egemen Qazaqstan»
