Aımaqtar • 29 Naýryz, 2018

«Nur Kapıtal» baǵdarlamasy aıasynda 200-ge jýyq bıznes-joba qaraldy

340 ret

kórsetildi

1 mın

oqý úshin

Mańǵystaý oblysyna Májilis depýtattary Erlan Barlybaev, Irına Ýnjakova, Baqytgúl Hamenova, Taras Hıtýov jumys saparymen keldi. Oblystyń turǵyndaryn Elbasynyń bes áleýmettik bastamasyn túsindirý jáne ony júzege asyrý barysynda atqarylǵan jumystardy baıandaý maqsatyndaǵy sapar aıasynda depýtattar aımaq basshysymen kezdesti.

Egemen Qazaqstan

«Nur Kapıtal» baǵdarlamasy aıasynda 200-ge jýyq bıznes-joba qaraldy

Mańǵystaý oblysynyń ákimi depýtattardy oblys damýynyń negizgi áleýmettik-ekonomıkalyq kórsetkishterimen tanystyryp, aldaǵy naqty josparlardy atap ótti. Depýtattar shaǵyn jáne orta bıznesti nesıelendiretin «Nur Kapıtal» baǵdarlamasyna qyzyǵýshylyq tanytty.

- Sáýir aıynda 1% -ben nesıe berýdi bastaımyz. Baǵdarlama aıasynda 200-ge jýyq bıznes-joba qarastyryldy. Bizdiń basty mindetimiz - qoǵamdyq sanany jańǵyrtý arqyly eńbek naryǵyn transformasııalaý. Bul aımaqtaǵy bıznestiń damýyna qýatty serpin beredi. Bizdiń mindet - eń aldymen, jańa óndiris ashyp, jańa jumys oryndaryn quratyn kásipkerlerge jeńildetilgen nesıe berý. ShOB damytý bul Mańǵystaýdyń odan ári órkendeýine kepildik bolmaq, dedi Mańǵystaý oblysynyń ákimi Eraly Toǵjanov.

Mańǵystaý oblysy ákimi baspasóz qyzmetiniń habarlaýynsha, QR Parlament depýtattary jumys sapary barysynda oblys halqymen kezdesý ótkizedi.

Gúlaıym ShYNTEMIRQYZY,

«Egemen Qazaqstan».

Mańǵystaý oblysy