Kezdesý barysynda Memlekettik hatshy qazirgi kezeńde Qazaqstan men Reseı qarym-qatynasy ózara senim men túsinistikke negizdelgen tatý kórshiliktiń jarqyn úlgisi ekendigin atap ótti.
«О́zińiz de biletindeı, ótken jyly dıplomatııalyq qarym-qatynasymyzdyń 25 jyldyǵyn atap óttik. Birqatar shara uıymdastyryldy. Elderimiz arasynda tyǵyz ózara qarym-qatynas ornaǵan. Memleket basshylarymyz da tyǵyz baılanysta. Mamyr aıynda Memleket basshylarynyń kezdesýi bolady dep kútilýde. Munan bólek te birqatar telefon arqyly áńgimelesýler bolyp, onda mańyzdy máseleler talqylandy», - dep atap ótti Gúlshara Ábdiqalyqova.
Sonymen qatar ol elderimizdiń arasynda qarqyndy saıası dıalog órbip, tyǵyz ekonomıkalyq baılanys ornatylǵana basa nazar aýdardy. Mádenı-gýmanıtarlyq, ǵylym jáne bilim berý salalaryndaǵy yntymaqtastyq zor mazmunǵa ıe bolǵandyǵyn eske salyp ótti. Munan bólek bıyl elimiz Táýelsiz Qazaqstannyń sımvoly - Astananyń 20 jyldyǵyn atap ótetindigin aıtty.
«Aǵymdaǵy jyly Astananyń 20 jyldyq mereıtoıy jáne oǵan Reseıden áriptesterimizdi kútemiz. Birqatar birilesken iri joba Máskeý, Sankt-Peterbýrg jáne Astana qalalarynda uıymdastyryldy»,- dedi Memlekettik hatshy.
Kezdesý sońynda Memlekettik hatshy strategııalyq seriktes jáne odaqtas retindegi ekijaqty qarym-qatynastyń odan ári damýy jolynda Qazaqstandaǵy Reseıdiń Tótenshe jáne О́kiletti elshisi Alekseı Borodavkınge zor tabys tiledi.
