Konferensııanyń maqsaty Memleket basshysy N.Á.Nazarbaevtyń 2018 jyly Qazaqstan halqyna Joldaýynda alǵa qoıǵan tapsyrmalardy oryndaý úshin memlekettik organdardyń ókilderi, ǵalymdar men jas zertteýshiler arasynda halyq ómiriniń sapasyn arttyrý, sondaı-aq jastar bastamalaryn júzege asyrý, tájirıbe almasý jáne jastar arasynda ǵylymdy dáripteý, ekonomıkanyń ártúrli sektorlaryna sandyq tehnologııalardy engizý týraly máseleler tóńireginde ınteraktıvti alań qurý.
Is-sharaǵa «S.Seıfýllın atyndaǵy QazATÝ» AQ Basqarma Tóraǵasy A.Q.Kúrishbaev, «Atameken» UKP Áleýmettik sala jáne áleýmettik seriktestik komıtetiniń Tóraǵasy T.K.Doskenov, «Halyqaralyq baǵdarlamalar ortalyǵy» AQ Prezıdent keńesshisi B.Q.Atybaı, «Ǵylym qory» AQ Joba dıreksııasynyń dırektory A.A.Ashkın jáne jetekshi ýnıversıtetter men ǵylymı-zertteý ınstıtýttarynyń basshylary qatysty.
Ýnıversıtet rektory A.Q.Kúrishbaev óz sózinde QazATÝ-di aýyl sharýashylyǵynda halyqaralyq deńgeıdegi zertteý ýnıversıteti retinde reformalaý agrarlyq salada ǵylymdy damytýǵa, jas ǵalymdar arasyndaǵy básekelestik qabiletin arttyrýǵa múmkindik beretinin atap ótti. Sondaı-aq, bilim berý salasyn qarqyndy túrde sandyq júıege ótkizý joldaryn barynsha jyldamdatý kerektigine toqtaldy. Sonyń ishinde aýyl sharýashylyǵy salasyn óńirlermen birlese otyryp sıfrlandyrýdyń ońtaıly tásilderiniń bar ekendigin aıta kele ózgelerdiń de sol jolmen júrý kerektigine nazar aýdardy.
«Ǵylym qory» AQ Joba dıreksııasynyń dırektory A.A.Ashkın jobalardy granttyq qarjylandyrý jáne ǵylymı, ǵylymı-tehnıkalyq qyzmetti kommersııalandyrý nátıjeleri týraly, sondaı-aq konkýrsqa qatysý erejeleri men granttyq qarjylandyrý jaıynda aıtyp berdi.
GAJ tehnologııalary oqý ortalyǵynyń meńgerýshisi F.K.Ermekov QR aýyl sharýashylyǵyn sıfrlandyrý taqyrybynda ózekti máselelerdi kóterdi. Elimizdiń soltústik aımaqtarynda egin jınaýdyń ǵaryshtyq monıtorıngi jáne Selınograd oblysyndaǵy jerlerdi paıdalaný, Aqmola oblysynda 4 mıllıon gektardan astam jer aýmaǵyna elektrondy kartalardyń ázirlenip jatqandyǵy týraly aıtty.
Plenarlyq májiliste jas ǵalymdar paıdaly, qyzyqty aqparat alyp, jas mamandar úshin ózekti suraqtardy qoıa bildi.
Konferensııa jumysy Agroóndiristik keshenniń turaqty damýyndaǵy sıfrlyq tehnologııalardyń róli; Qorshaǵan ortany qorǵaý jáne tabıǵı resýrstardy paıdalanýda aqparattyq tehnologııalardy qoldaný; Tamaq ónimderin óndirý, qaıta óńdeý jáne aýyl sharýashylyǵy ónimderin saqtaý sıfrlyq tehnologııalary; Aqmola aýylsharýashylyǵy ınstıtýtynyń birinshi dırektory, t.ǵ.k. T.G. Dýhovtyń týylǵanyna 100 jyl tolýyna týralanǵan «Agroónerkásip keshenindegi sıfrlyq tehnologııalardy tehnıkalyq qamtamasyz etý» seksııasy; Veterınarııadaǵy ınnovasııalyq jańashyldyqtar men IT-tehnologııalar; Mal sharýashylyǵy, balyq sharýashylyǵy jáne ań sharýashylyǵynyń qazirgi zamanaýı aspektileri; Bıologııa jáne bıotehnologııanyń qazirgi máseleleri jáne ózge de ǵylymı baǵyttar boıynsha seksııalarda jalǵasyn tapty.
Konferensııa aıasynda jas ǵalymdar men stýdentter jetistikteriniń kórmesi uıymdastyryldy. Jas ǵalymdar men stýdentter óz jobalary men tehnologııalyq platformalardyń ónimderin, sondaı-aq jabyq sýmen jabdyqtaý qondyrǵylarynda balyqty ósirý: qondyrǵyny ornatýdan bastap alǵashqy ónimdi alý jolyn kórsetti. Sondaı-aq «Elektrondyq medısınalyq jazbalar», «QTQ suryptaý júıesi», «Kómek», «Vkýsnıashka» áleýmettik jobalarynyń tusaýkeseri ótti.
Shara sońynda seksııalyq otyrystar qorytyndylanyp, jeńimpazdar men belsendi qatysýshylarǵa dıplomdar tabystaldy. Sonymen qatar konferensııa qarary qabyldandy.
