Álem • 26 Sáýir, 2018

 Qaýipsizdik máselelerimen aınalysatyn joǵary ókilderdiń toǵyzynshy halyqaralyq kezdesýi ótti

400 ret
kórsetildi
2 mın
oqý úshin

Qazaqstan Respýblıkasy Prezıdentiniń kómekshisi – Qaýip­sizdik Keńesiniń hatshysy Nurlan Ermekbaev bastaǵan elimiz­diń delegasııasy Qaýipsizdik máselelerimen aınalysatyn joǵary ókilderdiń toǵyzynshy halyqaralyq kezdesýine qatysty. Is-sharany Reseı Federasııasynyń Qaýipsizdik keńesi uıymdastyrdy, dep habarlady Prezıdenttiń baspasóz qyzmeti.

 Qaýipsizdik máselelerimen aınalysatyn joǵary ókilderdiń toǵyzynshy halyqaralyq kezdesýi ótti

Kezdesý barysynda bir­qatar máseleler, sonyń ishinde halyqaralyq qaýipsizdikke tónetin qaýip-qater, halyq­ara­lyq terrorızmge qarsy is-qımyl, aqparattyq qaýipsizdik, esirtkiniń zańsyz aınalymymen kúres júrgizý jáne taǵy basqa máseleler talqylandy. Reseı­de toǵyzynshy ret ótip jatqan mundaı kezdesý­lerge kóptegen memleket sarapshylary nazar aýdarady. Sochıdegi kezdesýge 100-den astam memlekettiń qaýip­­sizdik keńes­teri, quqyq qor­ǵaý jáne arnaýly organdary, syrt­­qy saıasat vedomstvola­ry ap­parat­tarynyń ókil­deri, son­d­aı-aq BUU qurylym­dary­men birge túrli halyqara­lyq uıym­d­ar­d­yń qyzmetker­leri qatysty.

N.Ermekbaev «Halyq­ara­­lyq terrorıstik uıym­­­dar­­dyń strategııasy men tak­tı­ka­synyń damýy» taqy­rybyndaǵy baıandamasyn­da ekstremızm men terrorızmge qarsy is-qımyl­ǵa baı­la­nysty normatıvtik quqyq­tyq bazany qalyptastyrý jónin­­degi Qazaqstannyń is-qı­my­lyna, elimizdegi terro­rızm­ge qar­sy kúshterdiń uıym­das­­tyrylý máselesine, TMD, ShYU jáne UQShU aıasyn­daǵy seriktestermen birlese atqa­ry­lyp jatqan aldyn alý jumys­taryna toqtal­dy. Álemdegi bar­lyq memleket­terdiń terrorızm­ge qarsy kúres júrgizýshi kúsh­terin jumyldyrýdyń mańyz­dylyǵy atap ótildi. Osyǵan baılanysty, Qazaqstan Qaýipsizdik Keńe­si­niń hatshysy toǵyzyn­shy halyqaralyq kezdesýdiń qatysýshylaryna Nursultan Nazarbaevtyń Terrorızmge qarsy kúrestiń jahandyq jelisin (koalısııa) qurý, son­daı-aq Terrorıstik uıym­­dardyń biryńǵaı tizbesin ázir­­leý týraly bastamalaryn bel­­sendi túrde qoldaýdy usyndy.

Sonymen qatar is-shara aıasynda elimizdiń delegasııasy túrli memleketterdiń ókil­deri­men birqatar ekijaqty kez­desý ótkizdi. Kezdesýler bary­­synda óńirlik qaýipsiz­dikti qam­­ta­masyz etý sala­syn­daǵy ózara yq­pal­dastyq máse­leleri talqy­lan­dy. Bul rette, Orta­lyq Azııa mem­le­ketterinen kel­gen áripte­ster qaýipsizdik keńes­teri appa­rat­tary deńge­ıin­de óńir­lik kópjaqty kon­sýl­tasııa­lardyń turaqty tet­igin qurý qajettigine nazar aýdardy.

Sońǵy jańalyqtar