«Búginde Pokrovka aýyly mańyndaǵy sýdyń deńgeıi 1108 santımetrdi qurap otyr. Tasqynnyń beti qaıtqanymen, qaýip seıiler emes. Dolmatovo eldi mekeninde sýdyń deńgeıi 1250-1300 santımetrgedeıin jetedi dep kútilýde. Novonıkolskoe aýylyna qatynaıtyn kópirdi sý basyp, turǵyndar aınalma jol arqyly qatynaýǵa májbúr. Sý barysyn baqylaý úshin 6 beket quryldy. Olarǵa 200-den astam maman tartylǵan», deıdi «Qazgıdromet» RMK SQOF-nyń dırektory Qymbat Merǵalımova.
Oblystyq tótenshe jaǵdaılar departamenti basshysynyń orynbasary Erik Sarybaevtyń aıtýyna qaraǵanda jedel toptar saqtyq sharalaryn kúsheıtip, kez kelgen qıyndyqtardy eńserýge ázir. Petropavl torabyndaǵy sý deńgeıi 960 santımetrge deıin kóterilgen. Aldaǵy kúnderi , bul kórsetkish 1060 santımetrge deıin joǵarylaıdy degen boljam bar. Ásirese shetkeri aýmaqtardaǵy saıajaılardy qyzyl sý basý qaýpi basym. Onyń zardabyn jyldaǵydaı Zerechnyı kentiniń turǵyndary da kóbirek tartady. Osy jerdegi tasjoldyń bir bóligin qyzyl sý shaıyp ketken.
Qala syrtynda turyp jatqan adamdar qaýipsiz jerlerge kóshiriletin bolady.
О́mir Esqalı,
«Egemen Qazaqstan»
Soltústik Qazaqstan oblysy
