Asqar Mamın Almatyda týrızmdi damytý máseleleri boıynsha jınalys ótkizdi

«Memleket basshysy Nursultan Nazarbaev Qazaqstanda týrızmdi da­mytýǵa erekshe nazar aýdaryp keledi. О́zi­niń jyl saıynǵy Joldaýynda El­basy ishki jáne syrttan kelýshiler úshin  týrızmdi damytý  óńirlerde jumys oryn­daryn ashý men ekonomıkalyq da­mýdyń irgetasyn qalaýdyń  negizgi kóz­deriniń biri bolyp tabylady degen bolatyn», dep atap ótti A.Mamın. 

Almaty jáne Almaty obly­sy týrızmdi damytýdyń negizgi qozǵalt­qysh­tary bolyp tabylady. Bul aımaq ar­qyly elimizdiń negizgi kólik baǵyttary óte­di, al óńirdiń geografııalyq, tarıhı já­ne tabıǵı erekshelikteri týrızmdi da­mytýdyń berik irgetasy bola alady.     

Jınalysta sóz sóılegen Almaty qalasynyń ákimi B.Baıbek Elbasynyń tapsyrmasyna sáıkes, Almatyda tý­rızmdi ekonomıkanyń jańa qozǵaýshy kúshi retinde damytý úshin júıeli ju­mys júrgizilip jatqandyǵyn jetkizdi. Qa­lada básekege qabiletti týrıstik ónim­di qurý, turǵyndar men qala qonaq­taryna yńǵaıly jáne qaýipsiz ortany qalyptastyrý maqsatynda «Týrızmdi damytýdyń 100 qadamy» qalalyq jos­pary ázirlendi.

Almaty qalasy ekonomıkasynyń 87% -y qyzmet kórsetý servısteri bolyp keledi jáne  Qazaqstanǵa kelgen árbir ekinshi sheteldik týrıst ońtústik astanaǵa soqpaı ketpeıdi.

Mádenıet jáne sport mınıstri A.Muhamedıulynyń aıtýynsha, 2018 jyldyń sońyna qaraı Qytaı men Ún­distan azamattary úshin Almaty men Astana qalalary arqyly ótetin 72 sa­ǵat­tyq vızasyz tranzıt iske qosylady. Son­daı-aq Almaty oblysynda iri ınvestısııalyq jobalar: Medeý, Shym­bulaq, Aqbulaq, Tabaǵan demalys aı­maq­tarynda taý klasterin damytý, taqy­ryptyq saıabaqtardy, onyń ishinde «Qor­ǵas» HShMYO-da salý, Úlken Al­maty kanaly boıynda týrıstik jáne sporttyq aımaq salý qurylysy júzege asyrylady. 

Almaty oblysy ákiminiń orynbasary A. Baıjanovtyń aıtýynsha, memlekettik tapsyryspen óńirde joldy kúrdeli jóndeýden ótkizý sátti júzege asyrylýda. Bıyl Úsharal – Dostyq baǵdaryndaǵy jolǵa kúrdeli jóndeý bastaldy. Ol arqyly týrıster Alakólge jaıly jolmen jete alady. Balqash kóline aparatyn 140 shaqyrym jol jóndeldi. Kólsaı kólderine jetkizetin joldar tolyqtaı jańǵyrtylǵan. 

Keńes barysynda A.Mamın Almaty men Almaty oblysy aýmaǵynda tý­rızmniń jol kartasyn jasaýdyń bir­lesken keshendi sharalaryn júzege asyrý sapaly júrgizilýge tıis ekendigin basa aıtty. Almaty qalasynyń, Almaty ob­lysynyń ákimdigine, sondaı-aq basqa múddeli memlekettik organdar men vedomstvolarǵa birqatar naqty tapsyrmalar berdi.

О́ńirge sapary aıasynda birinshi vıse-premer ońtústik astana áýejaıyn, Almaty-1 jáne Almaty-2 temir jol stansalaryn damytý josparlarymen tanysyp, Visit Almaty týrıstik aqparattyq ortalyǵyn aralady. Sondaı-aq «Qorǵas-Shyǵys qaqpasy» AEA-ǵa bardy. 

«Qorǵas-Shyǵys qaqpasy» AEA BK» AQ bas dırektory M. Baımuhambetovtiń aıtýynsha,  jalpy quny 485 mlrd teńgeni quraıtyn 14 joba 2020 jylǵa deıin júzege asyrylmaq.