Basty muqtajdyqtardyń biri 9 aıdan beri ystyq sýdyń joqtyǵy. Onyń ústine páterler salqyn bolǵandyqtan, qys boıy dirdektep shyǵypty. Jergilikti bılik oryndaryna qansha shaǵymdanǵanmen nátıje shyǵatyn túri kórinbeıdi. 2007 jyly memlekettik baǵdarlama sheńberinde salynǵan kópqabatty úıde 38 páter bar. Negizinen múmkindigi shekteýli jandar turady.
«Shydamdylyq tanytyp, sabyr saqtap kelgenimizge toǵyz aıdyń júzi boldy. Soǵan qaramastan tólemaqy alyp otyr», deıdi ashýly turǵyndar.
Osy úıde 11 jyldan beri turyp kele jatqan Galına Zadorınanyń aryzdanbaǵan jeri qalmaǵan sekildi. Ábden tabanynan taýsylypty. Zeınetkerjdń saqyldaǵan sary aıazda sýyq sýǵa shomylamyn dep tósek tartyp qalǵan kezderi de bolypty. Kún sýytsa páterler azynap ketetindikten úıde syrt kıimmen júrý jıi kezdesetin kórinedi.
Svetlana Ýdılovanyń aıtýynsha qys mezgilinde jýyný bólmesin múldem paıdalanbapty. Jylylyq temperatýrasy 14 gradýstan kóterilmepti.
Páter ıeleri kooperatıviniń basshylyǵy men jylý elektr ortalyǵy jaýapkershilikti bir-birine silteýmen keledi.
О́mir Esqalı,
«Egemen Qazaqstan»
Soltústik Qazaqstan oblysy
