О́zara dostyq qarym-qatynas jaǵdaıynda ótken kezdesý barysynda eki eldiń teńizge shyǵatyn jolynyń joqtyǵyna baılanysty tap bolyp jatatyn ózekti degen máseleleri sóz boldy. Taraptar Sırııa, Soltústik Koreıa, Taıaý Shyǵys sııaqty aımaqtardaǵy máselelerdi qosa alǵanda halyqaralyq deńgeıdegi qaýipsizdik máselesi boıynsha da pikir almasty.
Paragvaıdyń syrtqy ister vıse-mınıstri F.Gonsales Qazaqstannyń BUU Qaýipsizdik Keńesiniń turaqty emes múshesi retinde kótergen bastamalaryna, sondaı-aq Sırııa boıynsha Astana prosesiniń jumysyna joǵary baǵa berdi. Q.Ábdirahmanov EKSPO-2017 tusynda Astanada ótken Qazaqstan-Paragvaı Syrtqy ister mınıstrlikteriniń konsýltasııalary saıası, ekonomıkalyq jáne gýmanıtarlyq baǵyttar boıynsha ekijaqty baılanystardy nyǵaıtyp, ony odan ári keńeıte túsýge jaqsy jol salǵandyǵyn atap ótti.
Taraptar vızalyq rejımdi lıberalızasııalaý, bilim salasy men ózge de birqatar máselelerdi qosa alǵanda ekijaqty saıası konsýltasııalar tetigin damytý jumystaryn jalǵastyryp, yntymaqtastyqtyń kelisim-quqyqtyq bazasyn keńeıtý sııaqty máseleler boıynsha ózara kelisimge keldi. Qazaqstannyń Syrtqy ister vedomstvosynyń basshysy Paragvaımen arada qalyptasqan pozıtıvti dıalog saýda-ekonomıkalyq baılanystardy keńeıtýge ıgi yqpal etetindigine senim bildirip, Paragvaı kásipkerlerin ózderiniń bıznesterin Qazaqstanda damytý múmkindikterin jan-jaqty zerdeleý úshin elge kelýge shaqyrdy.
Q.Ábdirahmanov iri ekonomıkalyq bloktar arasyndaǵy qarym-qatynasty damytýdyń mańyzdy ekenin aıtyp, Eýrazııalyq ekonomıkalyq odaq naryǵynyń KARIKOM, MERKOSÝR, And qoǵamdastyǵy men Latynamerıkalyq ekonomıka júıesin qosa alǵanda Latyn Amerıkasy men Karıb basseıni memleketteri men uıymdary úshin áleýetiniń zor ekendigin atap ótti.
