Qazaqstan Respýblıkasy Memlekettik Ortalyq mýzeıi Halyqaralyq mýzeıler kúni merekesine arnalǵan «Mýzeı túni» atty is-sharasyn ótkizdi. Is-sharanyń bıylǵy jylǵy urany – «Gıperkommýnıkasııa dáýirindegi mýzeıler».
Jyl saıyn «Mýzeı túni» aksııasy turaqty jáne de jańa demeýshilerdiń qoldaýymen ótkiziledi. «Mýzeı túni-2018» is-sharasynyń Bas demeýshisi - «RUSLAN BAIDALINOV PROMOTION GROUP» kompanııasy.
«Mýzeı túni» – Ortalyq mýzeı 2006 jyldan beri júzege asyryp kele jatqan halyqaralyq iri áleýmettik mádenı-bilim berý jobasy. Dál osy túni Mýzeı túrli jastaǵy, túrli kózqarastaǵy adamdardy, túrli ulttar men ulystardy toǵystyryp qana qoımaı, kóńil kókjıegin keńeıtip, tól mádenıetimizdiń nárinen sýsyndaýǵa shaqyrady. Mýzeı túniniń formaty jyl saıyn ózgerip otyrady. Bul joly almatylyqtar men qala qonaqtaryna jańa baǵdarlama, onyń ishinde mýzeıdiń qor kolleksııasy negizinde qurylǵan kórmeler men Qazaqstan sýretshileriniń avtorlyq jumystary qoıylǵan kórmeler usynyldy:
«Uly Jibek jolyndaǵy ortaǵasyrlyq qalalar: qysh ydystaǵy oıý-órnekter (mýzeı qoryndaǵy keramıkalyq materıaldar negizinde)» kórmesi Qazaqstan aýmaǵyndaǵy qalyptalǵan jáne shyńdalǵan keramıkalyq buıymdardy áshekeıleýde paıdalanylǵan túrli órnekter týraly maǵlumat beredi.
«Jańǵyrǵan mura» kórmesinde mýzeı zerthanalarynda qaıta qalpyna keltirilgen zergerlik buıymdar men dástúrli belbeýler qoıyldy.
«Adam. Dáýir. Baılanys» kórmesinde erte petroglıfterden bastap búgingi kúnge deıingi zattar men baılanys quraldary tanystyryldy.
«Rýhanııat eskertkishteri» – úsh dinniń biregeı jazba eskertkishteriniń úlgileri: Taýrat, Injil, Quran.
«Saǵym. Plener. Hanshaıymdar oıyny»kórmesindesýretshi Anna Margaskaıanyń qolynan shyqqan keskindeme, akvarel, keramıkalyq buıymdar usynyldy.
«Rýhanı jańǵyrý» baǵdarlamasynyń bóligi – bestomdyq irgeli «Qazaqtyń etnografııalyq kategorııalar, uǵymdar men ataýlarynyń dástúrli júıesi» ǵylymı-etnografııalyq ensıklopedııasynyń tolyqtyrylǵan ekinshi basylymynyń tusaýkeseri keshtiń kórkin keltireri haq.
Kúni boıy ótetin Interaktıvti ekspozısııalar aıasynda kelýshiler ótken dáýirler tarıhynan bastap qazirgi jańashyldyqtarǵa deıingi maǵlumattardy alyp, qyzǵylyqty ýaqyt ótkizdi:
«Án atasy – Ámire» ádebı-mýzykalyq mýzeılik sabaǵy kórnekti qazaq ánshisi Ámire Qashaýbaevtyń ómiri men shyǵarmashylyq jolymen tanystyrdy. Sabaq Abaı atyndaǵy Respýblıkalyq mektep-ınternaty, «Kókil» mýzykalyq mektebi, A.Jubanov atyndaǵy mýzykalyq mekteptiń qatysýymen II ekspozısııalyq zalda ótti.
«Ájemniń sandyǵyndaǵy zattardyń tarıhy» saıahat-oıyny arqyly qazaqtardyń turmys-tirshiligi tanystyrylady. Suqbat qurý, taqyryptyq tapsyrmalardy oryndaý jáne oıyn tásilderinqoldaný arqyly mýzeı kóńil kóterý orny ǵana emes, jadyny damytyp, shyǵarmashylyq alańyna aınaldy.
«Ortaǵasyrlyq keramıkadaǵy beıneli órnekter: qazirgi kózqarastar» ınteraktıvine qatysýshylar keramıkalyq buıym jáne sáýlettik qaptaýyshtaǵy áshekeıleý elementterin sýret betine nemese tuzdy qamyrdan jasalǵan buıymdarǵa túsirý múmkindigine ıe boldy. «Belgili zattyń belgisiz qyrlary» (qazaqtardyń sırek kezdesetin turmystyq zattary) jáne «Jańyltpaq» qazaq ulttyq oıyny.
Mereke kúni kelýshilerge I, II, III, IV zaldar – «Palentologııa jáne arheologııa», «Tarıhı etnografııa», «Uly Otan soǵysy jyldaryndaǵy Qazaqstan jáne Dıasporalar mádenıeti», «Táýelsiz Qazaqstan» zaldaryna tegin kirip, ekskýrsııa tyńdaý múmkindigi berildi.
Merekelik keshti belgili shoýmender – Danıel DjeımS, Tileýhan Omarhan, Rýslan Baıdalınov júrgizdi. Is-sharany T.Júrgenov atyndaǵy Qazaq Ulttyq óner akademııasynyń Horeorgafııa fakýltetiniń «Asianstudentsdance-ASD» bı teatry men vokalshylary bastady. Odan keıin elimizdiń tanymal ánshileri mýzykalyq sálemderin joldady.
Sonymen qatar mýzeıdiń bilimqumar jáne shyǵarmashyl kelýshileri úshin sheberlik sabaqtary ótti. Oǵan Á.Qasteev atyndaǵy О́ner jáne dızaın mektebi, Qazaqstan-Japon ortalyǵy, O.Tańsyqbaev atyndaǵy sándik-qoldanbaly óner kolledji qatysty. O.Tańsyqbaev atyndaǵy sándik-qoldanbaly óner kolledji atynan «Altyn tynys» etnıkalyq kolleksııasy jáne Almaty Memlekettik servıs jáne tehnologııalar kolledji atynan «Jumaqtaǵy baqsha» atty shash jáne bet árleý úlgileriniń kolleksııasyn usyndy.
Kelýshiler «Seıshn» art-baletiniń oryndaýynda «Teńiz» úsh ólshemdi shoýy, «Fire Sunset» kompanııasynyń, «Ratatui», «Show_Ballet_Furore» agenttikteriniń, «Kýdesnıkı» kompanııasynyń baǵdarlamalaryn tamashalady. Sondaı-aq parfıýmerlik jáne saýyqtyrý ónimderin usynatyn kompanııalar jańa trendtermen tanystyrdy.
Saparbaı PARMANQUL,
«Egemen Qazaqstan»
ALMATY
ShQO-da joǵalǵan er adamnyń máıiti tabyldy
Qoǵam • Búgin, 11:10
Qazaqstanda zeınetaqynyń ortasha mólsheri qansha?
Qarjy • Búgin, 11:02
Kásipqoı boks: Sultan Záýirbektiń kelesi qarsylasy anyqtaldy
Boks • Búgin, 10:55
Aqtóbelikter Shavkat Rahmonovqa at mingizdi
Sport • Búgin, 10:42
Ronaldý ulttyq qurama sapynda 100 gol soqqan alǵashqy fýtbolıst atandy
Fýtbol • Búgin, 10:38
Elena Rybakına Maıamı masters týrnıriniń úshinshi aınalymyna ótti
Sport • Búgin, 10:24
Uqsas jańalyqtar
