L.Gırshtyń beıbit halyqtarǵa alapat qasiret ákelgen surapyl soǵystyń zardaby týraly tolǵaǵan týyndylary «Naedıne s pamıatıý», «Skvoz plamıa voıny», «Ognennyı Stalıngrad», «Blızko k serdsý», t.b. jınaqtary arqyly belgili.
Jınalǵan kópshilikti maıdangerdiń jańa týyndysymen tanystyrǵan Almaty qalasy ákiminiń orynbasary Arman Qyryqbaev L.Gırshtyń eren erligimen qatar beıbit kezeńdegi qoǵamdyq eńbekterine toqtaldy. Jastarǵa patrıottyq rýh beretin jınaqty aldaǵy ýaqytta nasıhattaý maqsatyndaǵy ákimshilik josparlarynan habardar etti. Maıdangerdiń shyǵarmashylyǵy týraly QHA Tóraǵasynyń orynbasary, QR Prezıdenti Ákimshiligi Hatshylyq meńgerýshisi L.Prokopenko, jazýshy, qoǵam qaıratkeri O.Súleımenov, kitaptyń redaktory E.Frolovskaıa, «Prostor» jýrnalynyń bas redaktory L.K.Shashkova, M.Áýezov atyndaǵy Ádebıet jáne óner ınstıtýtynyń bólim meńgerýshisi S.V.Ananeva, t.b. qoǵam qaıratkerleri pikirlerin bildirip, «Arystan» lıseıiniń oqýshylary óleńderin oqydy.
Kitapqa engen óleńderi búginde 94 jasty eńsergen qart maıdangerdiń keshegi soǵys dalasynda kórgen, kókireginen óshire almaıtyn qasiretti kúnderdiń esteligindeı. Surapyl soǵys dalasynda joǵaltqan jastyq shaǵy, otbasynyń qasiretti jyldary, maıdanger joldastarynyń, asyǵa jetken Jeńis kúniniń qýanyshy, bári-bári de maıdanger dápterinde jipteı tizilgen.
Soǵys dalasynda qanshama qıyn-qystaý kúnderdi bastan keshirgenimen maıdanger-jazýshy óleń jazýǵa degen qushtarlyǵyn joǵaltqan joq. Stalıngrad, Berlın, Pragany azat etýge qatysty. Qarýly kúshterde qyryq úsh jyl qyzmet etip, kóptegen marapattarǵa ıe boldy. 1959 jyldan bastap Almaty jáne Almaty oblysy azamattyq qorǵanysynda shtab bastyǵy, «Kazahstanskaıa pravda» gazetiniń halyqaralyq maıdan klýbynyń prezıdenti bolyp qyzmet etti. Soǵystan keıingi jyldarda jas ádebıetshiniń Morıs Sımashkomen tanystyǵy ádebıet álemine degen qyzyǵýshylyǵyn arttyra tústi. M.Sımashko Grıshtyń eń jaqyn tálimger joldasyna aınaldy. Al keıingi jyldarda O.Súleımenov, B.Qanapııanov, G.Tolmachev, D.Snegın jáne t.b. qalamgerlermen joldastyǵy maıdan taqyrybyn ary qaraı jetildirýge yqpal etti.
L.Gırshtyń «Stıhı o voıne ı mıre» jınaǵynda sol surapyl jyldardyń esteligimen qatar jańa jazylǵan týyndylary da engen.
Búginde qoǵamdyq jumystardyń belsendisi L.Gırsh óziniń patrıottyq óleńderin stýdentter men mektep oqýshylaryna oqyp berýge ár kez daıyn ekendigin bildirip, soǵys qasireti adamzattyń jadynan eshqashan óshpek emes, dedi.
Elvıra SERIKQYZY,
«Egemen Qazaqstan»
