Atalǵan ortalyq buǵan deıin О́skemennen Alakólge poıyz 15 saǵatta jetetinin, bılet baǵasy plaskart – 2800, kýpe 4000 teńge bolatynyn aıtqan edi. «Poıyz baǵyty 15 maýsymnan bastap iske qosylady. Bul maqsatta oblystyq bıýdjetten 114 mıllıon teńge sýbsıdııa bólindi. Jol kestesi mamyrdyń sońyna deıin daıyn bolady. Sonymen qatar, týrısterdi stansııadan kól jaǵasyna deıin jetkizetin avtobýs máselesi de sheshilgen», - deıdi týrıstik aqparattyq ortalyqtyń dırektory Symbat Ramazan.
Oblys ákimi Danıal Ahmetov jaqynda Úrjar aýdanyna jasaǵan jumys sapary barysynda bıylǵy sýǵa shomylý maýsymynda Alakólge (Jalańashkól st.) tek О́skemennan ǵana emes, Semeıden de poıyz qatynaıtynyn, Maqanshy men Jalańashkól baǵytyndaǵy jolǵa orta jóndeý jumystary qolǵa alynyp jatqanyn, Qarabulaq pen Qabanbaı aýyldary arasyndaǵy 16 shaqyrym jol da jaqyn ýaqytta jóndeletinin jetkizgen bolatyn.
Azamat QASYM,
«Egemen Qazaqstan»
Shyǵys Qazaqstan oblysy
