Búgin, «Oraza aıt» merekesiniń birinshi kúni jınalǵan 3000-nan astam ortalyq meshit jamaǵatty osy baǵdarlamanyń ashylý saltanatyna qatysty. Olar konserttik baǵdarlama jáne akrobattardyń ónerin tamashalap qana qoımaı, qoshqar kóterý, asyq atý, baǵanaǵa shyǵý, arqan tartý, gir kóterý sport túrlerinen óz kúshterin synap, baǵaly syılyqtarǵa ıe boldy.
Osy jarystarǵa qatysýshylar jigerlik tanytyp, ásirese qoshqar kóterýge áýes boldy. Barlyǵy 3 qoshqar oınatylyp, sonyń birin erkin kúres sheberi, Qazaqstan ulttyk quramanyń múshesi Ilıas Jumaı boldy. Ol 40 kılo salmaqty qoshqardy 205 ret kóterip, osy jerde rekord ornatty.
- Osyndaı jarysqa birinshi ret qatysyp otyrmyn.Jeńgenime qýanyshtymyn. Odan da kóp kóterýge kúshim jeter edi, biraq barlyǵy biraýyzdan jeńisti maǵan bergendikten jalǵastyrýdyń máni bolmady, –dep Ilıas Jumaı óz oıymen bólisti.
Sondaı-aq, meshitke kelýshilerge arnaıy aıt meıramynyń merekelik dastarhany jaıyldy. Erteń osy baǵdarlama aıasynda meshitke kelýshi jamaǵattar arasynda fýtbol lıgasy bastalady. Almaty Arena stadıonynda ótetin oıyndarǵa barsha Alataý aýdany meshitteriniń jamaǵattary qatysa alady. Bastalýy saǵat 09:00-de. Osy lıganyń jalpy júlde qory 1 mln. teńgeni quraıdy. Qatysý tegin.
Daıyndaǵan Ǵalym SÚLEIMEN,
«Egemen Qazaqstan»
