Jaqynda qazaq tilindegi fılmder qataryna taǵy bir úzdik týyndy kelip qosyldy. AQSh–tyń kınorejısseri Bred Berdtiń shyǵarmasy, ártúrli qasıetterge ıe otbasy týraly «Sýper otbasy-2» qazaq tilinde 14-shi maýsymnan bastap barlyq kınoteatrlarda kishkentaı kórermenderimizge jol tartty. Úlken ekrandarda kórsetiletin fılmge teatr ártisteri qazaq tilinde dýblıaj jasady. Akterlerdiń tabıǵı daýysy ár sıýjetke jan bitirip otyrdy. Atap aıtsaq: Saıa Toqmanǵalıeva (anasy – Elastık), Jánibek Muqaev (ákesi – Bob), Dıdar Quralbaev (úıdiń kishkentaıy – Desh), Aıkórkem Ádilgereeva (ápkesi – Balıtbar), dybystady. Rejıssery – Shah-Murat Ordabaev. Ásirese ákesiniń sóılegeni qazaqy bolmysqa dál keltirilip, sheber dybystalǵan. Qazaqy tól sózderimizdi oryndy qoldanyp, kórermendi kúlkige qaryq qyldy.
Májilis depýtaty, «Bolashaq» qaýymdastyǵynyń tóraǵasy Baqtııar Máken «Eń aldymen búldirshinderimizben olardyń ata-analaryn týyndynyń qazaqsha dybystalýymen quttyqtap, Elbasymyz N.Á.Nazarbaevtyń «Rýhanı jańǵyrý» baǵdarlamasynyń aıasynda Otandy súıý, otbasy qundylyqtaryn, memleketti súıý, ana tilge degen mártebeni óskeleń urpaq boıyna sińirý arqyly damytýdy kózdep otyrmyz. Bolashaqtyń kepili bizdiń – jastarymyz», degen yqylas-nıetin bildirdi.
Q.Qýanyshbaev atyndaǵy memlekettik akademııalyq qazaq mýzykalyq drama teatrynyń ártisi, «Serper» jastar syılyǵynyń ıegeri Saıa Toqmanǵalıeva «Barlyq týyndylar balaqaılar úshin dybystalyp jatyr, atqarǵan qyzmetimiz kórermenderge jaqsy pikir, oı qalyptastyrady dep senemin. Qazaqsha sóıleýdi – ózińnen basta», degen oıymen bólisti.
Keler jyly qazaq tilinde 3 anımasııalyq fılm «Monstrlar demalysta-3», «Shaqyldaq jáne tórt patshalyq», «Ral ınternetke qarsy» kórermenderge usynylmaq. Jalpy osy ýaqytqa «BI-group» kompanııasy, «Bolashaq» qaýymdastyǵynyń qoldaýymen «О́zińnen basta» atty joba aıasynda «Aray media group» stýdııasynda barlyǵy 23 fılm óz ana tilimizge aýdarylǵan.
Elimizde qazaq tilinde fılmder sanynyń artýy bizdi qýantady. Bul ıgi isterdiń barlyǵy qazaq tili mártebesin qazirgi zamanaýı qurylǵylar, zamanaýı komýnıkasııalar arqyly damytýdyń birden-bir joly. Osy ýaqytqa deıin qazaq tilinde dybystalǵan fılmderdi «ivi.ru» saıty arqyly tamashalaýǵa múmkindik bar.
Shákebaeva Aınur,
2 kýrs stýdenti
