Foto: Ersin Jumadilov
Qymyzmuryndyq merekesin ótkizýge aýyldar qant-kámpıt, baýyrsaq, qurt-maılaryn qorjynǵa toltyryp, qymyzdaryn kóterip jetti. Qalaǵa qaraıtyn 34 aýyldyq aýmaq bar. Barlyǵy da tórt túlik mal baǵyp, ata saltyn jalǵastyrýda. Úshterek, Dostyq, Shekarashy aýyldarynda jalpy, qalada elge oralǵan aǵaıyndar otbasylary kóp turady. Aǵaıynmen birge salt-dástúr, ata baba joly, barlyǵy da qaıta oraldy.
Bul kúni jınalǵan jurtshylyqqa qymyz tegin taratyldy.
Qymyzmuryndyq-qystan aman-esen shyqqan, jazǵa salym bıe baılap, alǵashqy qymyz ishetin kún. Kópke buıyrsyn degen tilekpen aýyl jurtty qymyzmuryndyqqa shaqyrady. Bul joly da aýyldardan kelgen ónerpazdar ánnen shashý shashty. Qolóner sheberleri ózderi jasaǵan oıý-órnekke toly túrli ulttyq buıymdarynyń kórmesin ótkizdi.
-Qymyz dertke dári ekenin, naǵyz shıpaly sýsyn,- deıdi aýyldan kelgen aǵaıyn. Merekede jınalǵan jurtshylyq bıe saýýmen jáne qymyzdyń jasalý joldarymen tanysty.
Farıda BYQAI,
«Egemen Qazaqstan»
