2013 jyldyń 20 jeltoqsanynda Qazaqstan Respýblıkasy Prezıdentiniń №716 Qaýlysymen 23 maýsym - Memlekettik qyzmetshi kúni bolyp bekitildi. Búgingi tańda elimizde 98 myńǵa jýyq memlekettik qyzmetshi tabysty eńbek etip júr. Ekonomıkalyq yntymaqtastyq jáne damý uıymy sarapshylarynyń baǵalaýy boıynsha, Qazaqstannyń memlekettik qyzmet júıesi jahandyq standarttarǵa saı keledi, al memlekettik apparattyń «qartaıýy» jáne genderlik teńsizdik kórsetkishteri jóninen ilgerileýshilik baıqalady.
2015 jyldan beri Qazaqstandaǵy kadrlardyń aýysýy eki esege qysqarǵan (2015 jyly 11,2%, 2017 jyly - 6,2%). Baqylaýshylar men sarapshylar ınstıtýtynyń arqasynda irikteý barysy anaǵurlym ashyq jáne transparentti bola túsken. Sondaı-aq, Qazaqstanda mansaptyq jolda ósken memlekettik qyzmetshiler sany 4 esege artqan.
